Naka ka skhim SAS pynioh madan kynjatboll u Bah Bantreidor ia ka shnong Mawbyna

Bah BanteidorShillong, Naiwieng 10: Ka jingangud ban ioh noh la ka jong ka madan ialehkai ha ka Dong Mawbynna, kawei na ki kyntoit kaba hap hapoh jong ka Shnong Kharang kadei kaba ki Khun samla bad ki Paidbah Nong Shong Shnong kila angnud la slem bah hynrei ki paidbah Nong Shong Shnong da ka dur khmat kaba phuh samrkhie kila iatuid paidbah sha ka Jingialang Plie Maw Nongrim ban shna noh ia ka Madan ialehkai ha katei ka Dong Lyngba ka jingshimkhia jong u Bah Banteidor Lyngdoh, MDC Mawkynrew Constituency ban ai jingiarap 5 Lak Tyngka lyngba ka Special Assistance Scheme ia kaba la mang kyrpang na ka bynta ki kam pynroi lyngba jong utei u Nongmihkhmat.

Haba kren kum u Kongsan ha katei ka sngi u Bah Banteidor Lyngdoh, MDC Mawkynrew Constituency u la ong ba kum u MDC ha i bor iba rit ka long kaba eh than ia u ban ai shibun ki jingiarap lyngba ki kam pynroi, hynrei u la ong pat ba kum u Nongmihkhmat um lah satia khlem da pyrshang ban wad ia ki lad ki lynti haba ka kam ka dawa na ka bynta ka jingbit jingbiang jong ki Paidbah Nong Shong Shnong kiba hap hapoh jong ka Mawkynrew Constituency.

U Bah Banteidor Lyngdoh u la ong ruh ba ha ka jinglong MDC ka jong u, u la pyrshang kat lah kat iai ban ai bynta lut ia baroh ki Dong bad ki Shnong ki bapher bapher ha ka Constituency hi baroh kawei kam pher wat la i long makna i jing iarap iba rit hynrei kiei kiei baroh kidei ban long haba shit haba shai ha ryngkat ka jing ia sngewthuh jingmut lang naduh ki Nongsynshar Shong, Ki Khun samla bad kumjuh ruh ki paidbah Nong Shong Shnong, ha kaba ula kyntu ruh ia ka Mynsiem jong ka Jingiatreilang ha ki sngi bad ki por kiban dang wan baroh khnang ba ki jing angnud ban wanrah ia ka jingkylla kin urlong.

Ha katei ka Jingialang Plie Maw Nongrim ban shna noh ia ka Madan ialehkai la ia sakhi lang don ryngkat jong ki Nongkit kam shnong bad kumjuh ruh ki paid nongshong shnong jong ka Dong Mawbynna, Kharang naduh ki long Kmie ki longkpa bad ki Khun samla jong ka Shnong. Ki riew Rangbah kiba la ai jingkren ha katei ka sngi ki kynthup ia u Bah Badonnam Kharbithai, Sordar Shnong Kharang, U Bah Roy Pyngrope, Rangbah Dong Mawbynna, Ki Dkhot jong ka Executive Committee jong ka Dorbar Shnong, Ki Nongialam jong ka Sports Club bad kiwei kiwei.

What Next?

Recent Articles

Leave a Reply

Submit Comment
*