Shillong, Nohprah 05: Ki rangbah ka shnong Umtyrnga mynta ka sngi ki la jingdawa na ki bor ba dei peit ban pynduh noh mardor ia ka jingrejister beain ia ki jaka ka ba 12,000 akar ha ka ba ka la kurup lut ia ki 20 tylli ki shnong, kiba don ha ka thain Umtyrnga.
Ha ba iakren bad ki ladpathai khubor ha Shillong Press Club u u Bah Markus Lapasap la ong ba ka Synjuk ki Rangbah shnong kila lap ia kane lyngba ka RTI ha Nongpoh ha ka 15 tarik u Naitung 2019 la lap bad la kynnoh ba ka dei ka jingregister baeain na 12 hajar akar ki don ka jingthmu ban die 7413 akar sha ka tnad shipai BSF ha ka ba kane kan ktah shibun ia ki nongshong shnong.
Ki bor shynshar shnong haba ki la lap ia kane ki la leit ha ka 3 tarik Naiwieng 2018 buh da ka jingujor sha u Acting Syiem jong ka Hima Mylliem bad kum juh ruh ngi la leit buh ka jingujor sha u Deputy Commissioner ka Ribhoi district ha ka 30 tarik Naiwieng 2018.
Kum ka synjuk kila leit buh ia ka jing ujor sha u CEM jong KHADC ha ka 6 tarik jymmang 2019 bad sha u MLA ka Nongpoh hynrei ha ka 22 tarik Naiwieng 2018 bad ha ka u la khot ia ka Dorbar sha ka tei ka thain bad ha katei ka Dorbar ki la pyrshah lut ia ka jingregister ia katei ka jaka.
Kum ka synjuk la lap ba 12 hajar ki la ai da ka da ka Deed of declaration bad kane ka pynpaw ia ka jing donkti lang jong u Syiem ka Raid Marwet u Bah Ken Syiem, u Acting Syiem ka Hima Mylliem ha ka ba ki la ai ia ka NOC bad ka jingthoh na ka Hima Mylliem ha ka ba ki la pan ia ka NOC na ka KHADC ban buh ia ka BSF Camp ha ki thain jong ki.
U Bah Marcus u la kam ruh ba la lap ruh ia ka jingdon kti jong ka sub register ophis ka long ba ka la ai da ka Non Encumbrance Certificate ha kaba kat kum ka shithi na u Syiem ka Hima Mylliem ba ka ophis jong ka Sub rigister Ophis ribhoi ka la ai ia ka Jingthoh ba ka shah ia ki tnad shipai BSF ba kin shna camp ha katei khlem da pynlong ia ka jing pynbna paidbah.
Haba batai halor katei ka jingthmu die jaka sha ki shipai BSF, u Bah Marcus Lapasam, u la ong ruh ba lada katei ka jingthmu die jaka sha ki shipai kan urlong, kaba mut la jan baroh ki nongrep bad ki shnong kiba don ha ka thain Umtyrnga, kin sa shah ktah, namar katkum ka jingtip jong ki ha ryngkat ki kot ki sla kaba ki don.
U Bah marcus u la ong ba katei ka jaka kaba la shim da uwei u riew shimet uba la tip kum u Bah Deilangchirup Law, ka la kot haduh 12 hajar Akar tam, kumta ha katei ka 12 hajar tam, kan sa ktah lut ia baroh ki jaka rep ki paidbah bad ruh ki Shnong ba marjan ka thain Umtyrnga.
Halor ka jingshah ktah ki shnong, u Bah Marcus Lapasam, u la ong ba ki Shnong ki ban sa shah ktah lada katei ka ktem BSF kan urlong, ki kynthup ia ka Shnong Umtyrnga, Umlathu, Umsen, Nagrabil, Pilangata A, Pilangku B, Chibra, Jolsyiem, Jyrmang, Gambalbari A, Gambalbari B, Bahenanodi, Timbogre, Nongspung B, Nongspung A, Pyngker A, Pyngker B, Pyngker C, Pahamjula, Lalmati, Nongspung C, Barapathar, Iongkhuli lem bad kiwei.
Na ka liang jong ka synjuk ka kyrpat ia ka Sorkar MDA ba kan peit lang ia ki jingeh jong ngi bad u la ong lada na ka liang ki bor ka ain ki shim ia ka ain ha kti lajong ngi ruh ngin shim ia ka ain ha ka kti lajong.”u la bynrap.
