Naka skhim MDC yn siangrong ia ka surok hapoh jong ka shnong Umsawlum :Banteidor

Buh Mawnongrim u Bah PN Syiem CEM ka KHAD ban siangrong ia ka surok Umsawlum.Shillong, Naitung 31: Ka long ka jingkmen bad ka jingkyrkhu kaba khraw iaka shnong Umsawlum namar ka jing shim khia jong u MDC ka thain u Bah Banteidor Lyngdoh uba la pynurlong ia ki jing angnud jong ki Paidbah Nong Shong Shnong kiba la ap khmih lynti mynta la bun bun snem ban ioh ia ka surok rong kaban pynsuk ia ka leit ka wan jong ki paidbah.

Ki Paidbah jong ka Mawkynrew Constituency kila sakhi ia ka mynsiem shakri jong utei u Rangbah Nongialam u ba kila pynkup bor ia u kum u MDC ha ryngkat ka jing ia don lang jong u Bah Pynshngain. N. Syiem, Chief Executive Member KHADC kila buh ia u Mawnongrim ia ka Surok rong hapoh jong ka Shnong Umsawlum ha kaba la mang T. 15 lak tyngka lyngba jong ka SPA 2015-16.

Haba kren kum u Kongsan ha katei ka sngi na ka liang jong u Bah Pynshngain, CEM KHADC u la ai jingiaroh shikatdei eh ia ka jingtrei shitom met bad mynsiem jong u Bah Banteidor Lyngdoh  MDC Mawkynrew Constituency uba la long sgisha kum uwei na ki Rishot kiba skhem ym tang na ka bynta ka bit ka biang jong ka Mawkynrew Constituency  hynrei khamtam eh na ka bynta jong ka Ri bad ka jaitbynriew hi baroh kawei.

Ha kane ka sngi u Bah Pynshngian CEM ka KHADC u la kyntu ruh ia ki Paidbah ba kin nang ai shuh shuh ka kti ka diang ka kti ka mon ia une u Khun dap Shynrang ban pynjop donburom ha u 2018 khnang ba yn pynurlong ia kiba bun ki jing angnud jong u Paidbah bad khamtam eh na ka bynta ka jaitbynriew hi baroh kawei.

Ha kawei pat ka liang na ka liang jong u Bah Pynshngain u la pynpaw ka jing bynniaw halor ka jing shimsting jong ka sorkar jylla bad ka jing bym iohi jngai jong ki Nongialam ban wan rah ia ki Policy kiba pher bapher da kaba ong “Lada ïaphai sha ka Education Policy, Farmers Policy Culture Policy, Tourism Policy, mano ba ïoh nong ne duhnong. Tang ki heh saipan bad ki Marwari kiba ïoh jingmyntoi namar bym treikam ka policy,”  hynrei u la ong pat ba kum ka Jaitbynriew ngim pat duh jingkyrmen bad ka shong ruh ha ka jingstad jong ki Paidbah iano kin pynkup bor ha ka election kaban sa wan.

Bah Banteidor Lyngdoh kum u MDC, u la pyrshang ban ai ia ka jingshakri kaba janai tam bad kaba khuid kaba suba ban sam ia baroh ki schemes haba shit haba shai khlem ka jingleh shiliang khmat iano iano ruh na ka bynta ka jingbit jingbiang jong ka Constituency hi baroh kawei. La ong kaba kongsan dei ka mynsiem jong ka jing iatreilang kadei kaba hakhmat eh bad kaba kham kongsan ban pynjanai bad ban pynurlong ia ki jingangnud jong uba bun u balang.Ha kane ka sngi la don bun ruh ki riew rangbah ban ia sakhi lang ia kane ka sngi.

What Next?

Recent Articles

Leave a Reply

Submit Comment
*