Nalor ba shah weng kam dain kuna ka sorkar T.50000/- marwei iaki 157 ngut nonghikai

Shillong, Risaw 31: Mynta ka sngi ki nonghikai kiba la shah weng kam ha u snem 2014 bad ha u snem 2019 kila pynlong ia ka jingiakhih shongkyllain mungor kaba shi sngi ha phyllaw ka ophis jong ka MBOSE ban pynsngew sha ka sorkar ia ka jingeh ka jong ki ba lada ia kiwei ki nonghikai la thung biang ia ki ruh dei ban thung biang.

U bah  Benedic Buam u wei na kiba la ngat ha kane ka jingshah weng kam la ong ba kiba la wan ban ia khih mynta ka sngi kidei kiba na ka kynhun jong u snem 2010 ia kaba kila shah weng kam ha u snem 2914 , la ong ba baroh ki nonghikai kiba la shah seng kidon 246 ngut bad na kine kiba la ioh biang ia kam ki don 65 ngut, bad kiba duh kam pat 157 ngut.

Kiba la shah weng kam ha u snem 2019 ki don 260 ngut, na kitei kiba la shah thungkam biang pat ki long 187 ngut katba kiwei pat ki duh, kane ka jingleh jong ka sorkar kim lah ban pdiang namar na ki 15 tylli ki jaka thoh eksamin ki jaka thoh eksmin na Ampati bad Williamnagar ki jaka ki kot buh ia ki mark ba ki ioh.

Kaba kham pynkthang shuh shuh ia ki kum ki nonghikai kiba la shah behkam ka long halor ka jingpynmih ka sorkar ia ka hukum ha ka 18th Naitung 2022 ba ia ki 157 ngut ki nonghikai la shah buh dak sniew ha kaba kin nym lah shuh ban wat kam sorkar shawei ruh nangne sha khmat.

U bah Buam la ong ba nalor bala shah wengkam bad la khang ia ki ba kin wan kam sorkar shawei, ka tnad pule puthi kala dain kuna ruh ia ki 157 ngut ki nonghikai ba ki hap ban siew T.50000/- tyngka marwei mawei sha ka State Disaster Management Found hapoh ka 30 sngi naduh na mih katei ka hukum.

Bah Buam la ong ba kawei kaba la jia baroh kam dei ka jingbakla jong ki, kane ka jingshah khanglad ban wat kam shawei bad ka sah dain kuna kaba mat T.50000/- tyngka marwei ia ki 157 ngut ki nonghikai kala ia ki haduh katta katta bad kane ka jingiakhih mynta ka sngi ka long ba kin pynsngew sha ka sorkar ia kane ka jingeh ka jong ki, lada ka sorkar kam sngap kin sa ia shong pyrkhat ban leh kumno.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet