Nalor ka bam, ka sorkar kan iarap bad pisa iaki “Community Quarantine Centre”: Cornad

Shillong, Jymmang 20: U Myntri Rangbah ka jylla u Conrad K Sangma haba jubab ia ka mat jingiakren ha ka dur jong ka Zero Hours kaba la wanrah da u bah Mayralborn Syiem MLA jong ka Nongpoh ha kaba ia dei bad ki jaka sah jong ki nongshong shnogn ka jylla kiba la wan phai sha la ki iing ki sem.

U Myntri rangbah ka jylla u la iathuh hapoh ka iing dorbar ba kam long kaba suk ban buh ha ki jaka sah jong ka sorkar ia baroh ki paidbah nongshong shnong kiba wan phai sha la ka jong ka jylla, ha juh ka por u la iathuh ba haduh mynta kila don haduh 7000 tylli ki Community COVID-19 Committee ha ka jylla.

Na ka liang jong ka sorkar ka pynpaw ia ka jingsngewnguh ia ki rangbah shnong, ki Nokam kiba la ia trei lryngkat bad ka sorkar ha kane ka jingialeh pyrshah ia ka khlam COVID-19 ha kaba ki shnong kila shim khia ban don ia ki Community Quarantine Centre.

Haba ia dei bad kane ka sorkar kan pynbiang ia ka bam na ka bynta kito kiba sah ha ki Community Quarantine Centre bad ka sorkar kan ai jingiarap kaba shisien T.5000/- tyngka kawei ka Community Quarantine Centre kiba don ia kito ki briew kiba wan phai.

Haba ia dei bad ki kyndon ka sorkar jylla kala bud ryntih ia ki jingbthah jong ka sorkar pdeng kaba la wan lyngba ka tnad kam poh iing, na ka liang jong ka sorkar jylla ban kham pynbha shuh shuh kala shim ia ki maw jam ba kham pher namar ka iapher na kawei ka jylla sha kawei ka District sha kawei ka District.

Ka sorkar kan leh ia ka RT-CPR Test ia baroh kiba wan phai bad kan dang iai budien wat ha dien ba la dep ban test ruh ban pynthikna ban iada ia kane ka khlam COVID-19 hapoh ka jylla. Ka sorkar kala ia kren bad ka sorkar pdeng ban phah shuh ia ki Rel ban kit ia ki briew ka ka jylla bad ba kan ai ia ki Aeroplane ban kit ia ki briew ka jylla.

Ka sorkar kala thung ia ki Ophisar ban peit kyrpang tang ia kiba wan phai na kiwei ki jylla bad kito kiba sah kut kin pyntip sha ki ophisar shuwa ba kin wan phai. Haba ia dei bad kito ki samla pule kiba don sha bar jong ka Ri India ka sorkar kala ia kren bad ka tnad korbar Ri ban wan ia lam ia ki sha ka Ri.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet