Shillong, Nailur 12: Ka kong Ampareen Lyngdoh myntri jong ka sorkar jylla haba kren ha ka taiew leh kmen jong ki khynnah skul jong ka St. Thomas Higher Secondary School Mariang, kala ong ba nalor ki jingpule donkam ban hikai kiwei kiwei dei ia ki khynnah ban saindur ia la ka lawei ka jong ki.
Na ka liang jong ka myntri kala ai ka jingiaroh ia kane ka skul kaba la lah ban pdianghaduh 1700 ngut ki khynnah skul bad kane ka long ka jingjop ka bakhraw ha kaba la lah ban pynlong ia ki khynnah ban pule ha kane ka skul khlem da kiew sha ki jaka sor.
Ka long kaba don kam ban don ia ki skul kiba bit ba biang ha ki nongkyndong bad kane ka skul kala dei na kawei ki skul kiba la paw bad kaba la lah ban pdiang haduh katne ki khynnah skul kane ka jingwan pule jong ki khynnah ha kane ka skul ka kren shai ba kane ka skul ka long kaba bit ba biang.
Kiwei kiba la kren ha kane ka jingialang ki long ka Dr Eureka L Mawlong, u phadar Herodes principal jong ka skul, ka SDO Civil ka long FM Lakiang. Ka St. Thomas Higher Secondary School kaba la seng ha u snem 1972 ka long kawei na ki skul kiba don hapoh Mairang Civil Sub Division.
