Shillong, Risaw 21: Ka kong Thrina Suchen na ka shnong Lama kaba hap hapoh jong ka East Jaintia Hills kala ai por shitaiew ia u rangbah shnong u bah Tellme Dong bay n pynshai haba ia dei bad ka jingshah tait shnong ka jong ka katkum ka shithi kaba la ai na ka ophis jong u Deputy Commissioner.
Ka kong Thrina kala kam bala da kam don kata ka jingtait shnong kumba la kam da u rangbah shnong balei pat u rangbah shnong u khlem khot ia ka dorbar kumba la bthah da u Deputy Commissioner jong ka East Jaintia Hills District kaba la phah sha u rangbah shnong ha ka 28th Nailur 2021.
Ka kong Thrina kala dawa ba u rangbah shnong u dei ban pynshai ia kane hapoh shitaiew bad lada ym leh kumta kan leit sha ki bor jong ka ain ban ujor pyrshah ia kane ka jingshah tait shnong jong ka.
Katkum ka jingiathuh ha ki lat pathai khubor mynta ka sngi ha Shillong Press Club la ong ba ka daw ba la shah tait shnong ka dei namar ba ka pan ia ka RTI ia ki skhim NERGA hapoh ka shnong Lama ha u snem 2019 bad ha ka 30th Naiwieng 2020 la shah tait shnong.
Ia kane ka jingleh jong ka shnong kala ujor sha ka ophis jong u DC ha ka 2nd Nohprah 2020 bad dei ha ka 15th Kyllalyngkot 2021 kala pyntip ia kane sha ki lat pathai khubor bad ha ka 19th Kyllalyngkot u rangbah shnong u la leit ia kynduh ia u Deputy Commissioner bad kumba ka paw ha ki lait pathai khubor u la kyntait ia ka jingkynnoh jong ka.
Hynrei kaei kaba la jia hapoh shnong pat ka long ba ka kong Thrina kala kam ba kala don pat ka jingpynbna ban nym shah ia ka ban thied jinghied na ki dukan shnong, ban shong kali, ha ka 22nd Lber 2021 la khot ia ka dorbar hyrnei kim shym la lah shah ia ka ban kren namar ka kwah ban tip balei la tait shnong ia ka.
Kala ong ba kane ka kam kala iaid mynta shisnem bad kam lah ban shu sngap kumne, dei halor kitei ki nongrim ka dawa na u rangbah shnong ka Lama ba un ai ka jingpynshai balei ym lah ban khot ia ka dorbar ban ia kren kumba la bthah na DC ophis, lada um leh ei ei kam banse ban ujor sha ka ain, la ong ka kong Thrina.
