Shillong, Jylliew 04: u bah Sanbor Shullai myntri ba dei peit ia ka tnad ba dei peit ia ki nongtrei ha ki kam bylla la ong namar ka jingbymdon kam hapoh ka jylla palat 75000 ngut ki samla na kane ka jylla ki leit trei shabar ka jylla.
U bah Sanbor u la ong ba lada ka BJP kan ioh ban ialam ia ka sorkar ha kane ka jylla kan wan rah ia ka policy ban pynioh ia ka lat ioh kam ioh jam ia ki samla pule, ka long shisha ka jingeh ia ki khunsamla ki hap ban mih na ka jylla ban leit bylla sha bar ka jylla.
Lada ki paidbah ki ai ka jingkyrshan ia ka BJP kin sa wanrah ka juh ka policy thung kam na ka bynta ki samla, kumba la leh ha Nagaland, ha Assam, ha Mizoram ka BJP kala ioh ia ka bor synshar ha District Council ha katei ka jylla bad ha Tripura bad Arunachal Pradesh.
U bah Sanbor u la ong ba ka jingkynnoh pyrshah ia ka BJP ka dei tang ka jingpynthame, hynrei ki paidbah mynta kila sngewthuh dei na kane ka daw ba ka BJP kala ioh ia ka jingsynshar ha Assam, Tripura, Manipur, ha Arunchal Pradesh, Nagaland bad mynta kila ioh ban rung ha Mizoram kane kala kren shai ba ki paidbah kila pdiag ia ka BJP.
U Sanbor u la kyntu ia ki paidbah ka jylla Meghalaya ba kin ai ka jingkyrshan ia ka party BJP khnang ba ka party kan lah ban pynurlong ia ki jingdon kam ki paidbah, lada ka BJP kan ioh ban ialam ka sorkar kan wan ka jingkylla ha kane ka jylla.
Ha kane ka jingialang u ka kyntoh jur pyrshah ia ki seng riewlumha kane ka jylla bad khamtam ia ka party Congress kaba la ithuh ia ki ba duk tang ha ka por ilekshon bad da dep ka ilekshon kam ithuh shuh ia ki, kane ka dei ka polisi jong ka party Congress.
Haba ia dei bad ka TMC u la ong ba kane ka dei ka party jong ka Mamta Banarjee bad ka dei ka party kaba ki paidbah kim pdiang ha kane ka jylla, la ban biang ba ka jingkyntoh ia ka BJP dei tang ka jingalam bakla ia ki paidbah.
