Namar bym don u CEO bad Secretary ba pura, suki lut ki kam pynpoi ka SPVS ka Lafarge

SPVS officeShillong, Naitung 12: ka jingbym don jong u Chief Executive Officer (CEO) bad u member secretary ba pura hapoh jong ka  Special Purpose Vehicle Society  (SPVS) na ka bynta ban pyntrei ia ki kam pynroi  jong Lafarge Umiam Mining kaba don ha Meghalaya, sawdong jong ka shnong Nongtrai kila sahkut.

Ia ka SPVS la thaw halor ka hukum jong ka iing bishar ba ha khliehduh jong ka Ri India ha u snem 2012, ba ka Lafarge ka dei ban siew T.90 /- shiton u mawshun u ba phah na Nongtrai sha Bangladesh, ia kane ka pisa kaba la ioh ban lum dei ban pyndon kam ha ki kam pynroi hapoh ki shnong kiba don sawdong jong ka jaka tih mawshun kiba hap hapoh jong ka 50 km sawdong.

Katkum ka jingbethah jong ka iing bishar ba ha khliehduh  u Chief Secretary jong ka sorkar  jylla u dei ban long u Chairman ia kane ka SPVS, ka ophis ka dei ban don ia u CEO bad u member Secretary ba ka sorkar kan thung, hynrei mynta ka sorkar kala buh ban peit lem ia u DC jong ka East Khasi Hills kum u CEP bad ia u Project Director DRDA kum u member Secretary.

Ki lad khubor napoh jong ka SPVS, ki pynsngew ba ka sorkar ka dei ban thung ia u CEP ba pura bad ia u Member secretary hapoh jong ka SPVS kumba la leh ha ki snem kiba la sdang ia ka da kaba shim ia ki ophisar ba la shong thait  namar ki kam jong kane ka Society ka long tang ha kito ki shnong kiba don sawdong jong ka jaka tih Mawshun ha Nongtrai.

Na katei ka jingsiew jong ka Lafarge kaba long T.90 tyngka shiton ha ka shisnem ka poi sha ka T.18 haduh T.19 klur, hynrei da ka jingbym don jong u CEO ba pura bad u member secretary ba pura kala pynsuki ha kaba pyntrei kam ia kane ka pisa na ka bynta ki kam pynroi ha katei ka thain mynta la kumba shisnem shiteng ei ei.

What Next?

Recent Articles

Leave a Reply

Submit Comment

*