Namar ka Assam “Cattle Preservation Bills, 2020 hap apply TP kiba khaii masi na Meghalaya

Shillong, Risaw 26: Ka tnad Ri jingri jong ka sorkar Meghalaya kala khot aplikoshon na ki nongkhaii masi ba lada ki leit ban thied masi na sha bar ka jylla Meghalaya ki hap ban da ioh ia ka “Transit Pass” na ka sorkar Meghalaya. Ia kane ka applikoshon la ai na ka ophis jong ka tnad ri jingri ka East Khasi Hills District.

U Principal Secretary ka tnad ri Jingri u G.H.P. Raju IPS, haba kren ha u SP News Agency u la iathuh ba la hap ban khot aplikoshon ban ai Transit Pass ia ki nongkhaii masi ka dei na ka daw jong ka Assam “Cattle Preservation Bills, 2020.

La iathuh ba na ka bynta ki nongkhaii kiba dei na kane ka jylla Meghalaya kiba don ka jingthmu ban leit thied masi na shabar ban pyndon kam ha ka Rep bad ban khem Dud ha kaba la don kam ban ai ia ka Transit Pass.

U Principal Secretary u la iathuh ba ia mynta la ioh pdiang 44 tylli ki aplikoshon kiba kwah ban ioh ia ka Transit Pass, hynrei na ka daw jong ka jingwan noh ka Model Code of  Conduct namar kane ka ilekshon shiteng samoi ha buh teng shuwa shipor.

La iathuh ruh ba hadien ba la kut ka ilekshon MLA shiteng samai, ynda la weng ia ka Model Code of Conduct ka ophis kan sa pyniaid sha khmat ia kane ka kam ban pynkhreh ban ai ia ka Transit Pass sha kito ki nongkhaii Masi trai jylla, la ong u Principal secretary ka tnad ri Jingri u Raju.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet