Shillong, Naiwieng 01: Ka balang Katholik ia u bnai Naiwieng kala buh kyrpang ban duwai bad kynmaw kyrpang ia ki mynsiem jong ki riew ngeit kiba la khlad noh bad kum ki riew ngiet ha u ne u bnai la pynlong ia ka jingkyrkhu ia ki lum jingtep bad man ka 2 tarik u Naiwieng jong man u snem la juh pynlong ia ka jingkyrkhu ia u Lum jingtep ha Laitumkhrah Parish.
Mynta u senem namar ka jingdon kane ka khlam COVID-19 la shah ia kito kiba na ka balang kala ai jingbit ban ia don lang la shai ka sngi bad kine kiba la shah ban ia don lang dei tang na ki CMC bad ia ka jingbuh syntiew la leh mynta ka sngi namar la shai kim shah shuh.La da don kiba khlem pat ioh leit buh syntiew ki lah ban leh buh pat la shisngi.
Na ka liang jong kiba pyniaid ia kane ka jingkyrkhu lum jingtep ha Laitumkhrah ka long ban but ryntih ia ki jingbthah jong ka sorkar ban iada na kane ka jingsaphriang kane ka jingpang COVID-19, ki ban ia don bynta ha kane ka jingkyrkhu lum jingtep la shai ka sngi kin long tang kito kiba la jied.
