Shillong, Jymmang 22: U Commissioner Secretary jong ka iing dorbar thawain ka jylla Meghalaya mynta ka sngi u la pyntip ba ia ka jinghikai ba ar sngi ia ki MLA ba thymmai jong ka iing dorbar thawain ka jylla Meghalaya ia kaba la buh ban long ha ka 24 bad 25 tarik mynta u bnai la pynkynriah sha ka 31tarik mynta u bnai bad ha ka 1 tarik jong u bnai jylliew u ban wan.
Ka daw jong ka jingpynkynriah ia kane ka jinghikai bar ar sngi ia ki MLA ba thymmai ka long ba bun na ki MLA kila kyrpad ba dei ban pynkynriah noh ia kane ka sngi namar ba ki bun kam ha kaba leit ban ialap elekshon shiteng samoi ha Ampati kaban long ha ka 28 tarik mynta u bnai.
