Shillong, Jymmang 25: U Conrad K Sangma u ba la jop ia ka election shitengsamoi na 2-Tura parliamentary constituency u la ong ba “nga la shim ia ka rai ban shim smai ha ka dorbar lyier ka ban wan ka dei ba nga kwah ban iohi ba ki nongkyrshan jong nga ba nga shim smai hapoh iing dorbar jong ka parliament”.
Haba ia dei bad ka jingtrei kam u la ong ba mynta u la trei kam kum u MP u la ioh ruh ia ka Identity Card kum u MP jong ka Lok Sabha, kane ka jingshim smai ka long ban pyndep ia ki kyndon kiba la buh, u laong. Ha kane ka sngi bun na ki nongialam seng sain pyrthei na ki seng riewlum kila leit ban ia kynduh bad ia khublei.
Haba phai sha ka jingdawa nongialam hapoh ka seng Congress u la ong ba ym kwah ban kren ei ei namar kane ka dei ka kam poh iing jong ka seng Congress ka shong ha ki nongialam ka Congress ba kin pynbeit ia ka.
