Nga kyndit ban iohi ha TV ba ka Agatha ka kyrshan ia ka CAB: Dr Ampareen

Shillong, Nohprah 10: Ka Dr Ampareen Lyngdoh MLA jong ka Shillong East mynta ka sngi kala wan ban ia shim bynta ha ka jingthang ia ki thyngshop jong u Myntri rangbah duh jong ka Ri India u Narendra Modi, Amit Shah myntri kam poh iing, u Lat ka jylla u Tathagata Roy bad ia ka MP na Garo Hills ka Agatha K Sangma jong ka NPP ha Motphran.

Haba kren ha ki lad pathai khubor ka kong Ampareen ka ong ba ka wan sha kane ka jingpyrshah ia ka CAB kum ka riew shimet bad ka kyntu ia ki khun samla ba kin long kiba jai jai ha kano kano ka jingle. Nga wan kum ka nongshong shnong ban kyrshan ia kiba pyrshah ia ka CAB.

Haba iohi ia ka jingkren jong ka Agatha K Sangma hapoh TV ba ka kyrshan ia ka CAB, la kyndit bad hangne iohi ka jingling arsap jong ki seng riewlum. Na ka jong ka Congress ka shai ba ki pyrshah ia ka CAB.

Ha kane ka sngi u MDC jong ka Rambrai u bah Banjop Pyngrope u la poi lang ha kane ka jingiapyrshah ia ka CAB, u Bah Ban Basaiawmoit MDC barim jong ka KHADC ruh u la ai jingkren.

 

What Next?

Recent Articles

Leave a Reply

Submit Comment

*