Nga kyntu ia ka GVK bad ia ki dkhot ka MEMRIWU ba kin ia kren pynbeit ia ki jingeh: Cornad

Shillong, Risaw 16: U myntri rangbah mynta ka sngi u la kyntu ia ki bor jong ka kompeni GVK  kiba pyniaid ia ki ambulance 108 ha kane ka jylla Meghalaya bad ia ka Meghalaya EMRI Workers Union ba kin poi sha ka miet jingiakren ban ia pynbeit ia kane ka jingeh.

Haba kren ha ki lad ptahi khubor na ka liang jong u myntri rangbah ka jylla u Conrad K Sangma, u la ong ba lyngba ki lad pathai khubor nga phah ia kane ka khubor sha ka kompeni GVK bad sha ka MEMRIWU ba kin poi sha ka jingiakren ban ia pynbeit ia kine ki jingeh.

U Myntri rangbah u la pynpaw ia ka jingsngewkhia ka jong u ha kaba ia dei bad kane ka jingiakhih jong ki nongtrei jong ka EMRI kaba la sdang naduh ka 30 tarik u Nailur kaba dang iai beteng haduh mynta bad kane kala ktah ia ka jingshakri ia ki paidbah ha kane ka jylla.

U myntri rangbah u la ong ba na ka liang jong ka sorkar kala kren ia ki bor pyniaid jong ka GVK bad u myntri ba die peit ia ka tnad ka koit ka khiah ruh u la kren ha kaba ia dei bad kane ka jingeh kaba la mih na ka daw  jong kane ka jingiakhih.

Na ka liang jong ka sorkar hapohki kyndon jong ka ain ka sorkar ka iaprap ia ki, hynrei ban ong ba ka sorkar kan pynkylla ha kaba ia dei bad ka jingsiew ka sorkar kan nym lah namar ka sorkar ka iateh kontrak bad ka GVK bad ka GVK ka thung ia ki briew.

Ka sorkar kala iakren bad ki nongpyniaid jong ka GVK ha kaba ia dei bad kane ka jingeh. Halor ka jingong ba balei ka sorkar kam treh ban shimti noh sha lane ia kane ka jingpyniaid ia ki ambulance 108, na ka liang jong u myntri rangbah u la ong ba kam long kaba bha ia ka sorkar ban shu leh kumta hap ban ia kren shuwa.

 

 

What Next?

Recent Articles

Leave a Reply

Submit Comment

*