Shillong, Jylliew 11: U Ankur Das ba dang shu pass ia ka Indian Administrative Service (IAS) bala pynlong da ka UPSC 2021, u pynpaw ia ka jingsngewnguh ia ki paidbah ka jylla kiba la ai khublei kitbok ia u halor kane ka jingpass jong u ia ka eksam UPSC la ong ba u da sngew kmen ia kane ka jingpynpaw ia ki paidbah ia k jingieit ia u. La pynpaw ba bun na ki riew paw khmat ka jylla kila ai khublei ia u.
Haba kren ha ka jingialang pynkup burom ia u na ka liang jong ka Greater Laban Community Development Society, u Ankur la ong ba bun kila kylli u sngew kumno haba pass ia kane ka eksam IAS bad balei phi jied ia kane, ka jubab kaba u la ai ka long ba dei tang kane ka kam ban noh syniang sha ki paidbah bad kaba dei beit bad ki paidbah.
Kane ka jingiadei bad ki paidbah naduh ka por ba dang khynnah bad haduh mynta ka kam IAS ka dei kaba ha khmat ban ai ka jingshakri ia ki paidbah ka Ri ha kine ki 75 snem kiba la leit bad ka long ka burom na ka bynta jong u ruh ban don ha kane ka kam bad u khmih lynti ban wan biang sha ka jylla ban ai ka jingshakri ha ka jylla.
