Shillong, Lber 13: U Bah Kennedy Khyriem kyrtong MP jong ka seng Congress mynta ka sngi u la thep kyrteng ban ia khun ia ka ilekshon MP sha Rajya Sabha ha u returning ophisar u FG Momin ha ophis jong ka Meghalaya Legislative Assembly.
Haba kren ha ki lat pathai khubor ha dien bala dep ban thep kyrteng u la ong ba ka jingialeh kan don bad ha ka juh ka por u la kyrpad ia ki MLA kiba don ha ka sorkar MDA kaba la ialam da ka NPP, khatam eh ia ki seng riewlum ba kin ai ka jingkyrshan ia u.
U Dr Mukul Sangma nongialam ka liang pyrshah u la ha ka jingshisha kan bha lada ka jingjied ia u MP sha Rajya Sabha kan long kumba jied ia ka Kong Wansuk Syiem khlem da don ba ialeh pyrshah namar ka don tang kawei ka seat na ka jylla Meghalaya.
Hynrei haba peit ia ka jinglong ka sain pyrthei naduh ba la pynlong ain ia ka CAA ha kaba ka NPP kala ai ka jingkyrshan, kum ka party kam lah ban shong khlem da ia khun ia kane ka ilkeshon MP sha Rajya Sabha namar don kam ia u nongmih khmat ban kren na ka bynta ka jylla.
U Dr Mukul u kyntu ia baroh ki MLA jong ka jylla namar dei tang ki MLA ki ban thep ia ka vote ban jied ia u MP sha Rajya Sabha ba kin ai ka jingkyrshan ia u kyrtong jong ka seng Congress u bah Kennedy Khyriem ban mih khmat ia ka jylla Meghalaya sha Rajya Sabha.
