Nga la bethah ia ki DC, ki SP ban peitngor ha dien bala pynbna ia ka NRC ha Assam: Dr Mukul

Shillong, Kyllalyngkot 05: U Myntri rangbah ka jylla u Dr Mukul Sangma mynta ka sngi u la ong ba, u la dep ban ai ka jingbethah ia baroh ki deputy commissioner bad ia ki superintendent jong ki pulit ha baroh kawei ka jylla ba kin long kiba peitngor ha dein ba la pynmih ia ka jingpynbna ia ka “National Registration of Citizens’ hapoh jong ka jylla Assam.

Na ka liang jong u u la dep ban bethah ruh ia u Chief secretary jong ka sorkar jylla bad ia u Director General jong ki pulit ka  jylla ba kin ia kren bad ki heh sorkar jylla Assam ban peit ba kane kan nym don ka jingwan rung jong ki briew na katei ka jylla sha kane ka jylla Meghalaya, na ka liang jong ka sorkar kala peitngor bha ha kane ka bynta.

U myntri rangbah u ong ba ka khappud jong ka jylla Meghalaya bad ka jylla Assam ka long haduh 900 KM ka long kaba eh ban peit ia ka jingwantuid jong ki briew kiba na bar ka jylla sha kane ka jylla, hynrei ka long kaei kaei kaba bha tam namar ha kum kane ka por ka jylla kala dep ban don ia ka Meghalaya Resident Safety and security Act bad kum juh ia ki rule ban teh lakam ia ka jingwan jong ki briew kiba na bar.

Da ka jingdon ia kane ka ain mynta ki bor shnong bor thaw kila lah ban pyntrei kam ia kane ka ain ryngkat ki bor jong ki District Administration ha kaba  kin don ia ka District Task Force Committee bad kane ka ain kan khanglad ia ka jingwan rung jong ki briew khlem da biang ia ki kot ki sla sha kane ka jylla.

U Myntri rangbah  la pynpaw ia ka jingma kaba ap na ka jingkrwah jong ka sorkar NDA kaba la ialam da ka BJP ban wanrah ia ka jingkylla ha ka Indian Citizens Act, da ka jingthmu ban ailad ia ki Hindu kiba don hapoh Bangladesh ba kin wan sha India kane ka long ka jingma kaba khraw haduh katta katta ka dong shatei lam mih ngi jong ka Ri India.

Na ka liang jong ka seng Congress bad ki paidbah jong ka dong shatei lam mih ngi jong kane ka thain ki pyrshah ia kane ka jingthmu jong ka sorkar pdeng, kine ki briew na Bangladesh lada ki ioh ka lad ban wan sha India ban long ki nongshong shnong kin nym leit sha Rajasthan lane sha Punjab, hynrei kin wan sha North East kane ka long ka jingma la ong u Dr mukul.

 

 

 

 

What Next?

Recent Articles

Leave a Reply

Submit Comment
*