Nga pdiang ia ka jingtohkit jong ka sorkar pdeng halor ka NEIGHRIHMS: AL Hek

Shillong, Risaw 31: U Myntri ka tnad ka koit ka khiah jong ka sorkar jylla u Bah AL Hek u la ong ba u pdiang sngewbha ia ka jingtohkit ha kaba ia dei bad ka NEIGHRIMS Hospital khang ba ki jingsniew baroh yn lah ban sei madan.

Ka tnad ka koi ka khiah jong ka sorkar pdeng ha ka 29 tarik lyngba jong ka Vigilance Division kala pynmih ia ka hukum ban phah tohkit halor ki jingkynnoh ba ka don ka jingialeh butithuh  ha ka jingiadei bad ka tnad sumar Cardiology hapoh jong ka NEIGHRIMS, Shillong.

Na ka liang jong ka tnad ka koit ka khiah jong ka sorkar kala ioh ia ka jingthoh ba dei ban phah tohkit ia kine ki jingsuba ba ka don ka jingleh sop sop kaba long beain hapoh jong katei ka jaka sumar jong ka sorkar pdeng.

Halor katei ka jingthoh kaba la ioh, na ka liang jong ka Vigilance Division kala sngew dei ban thung noh ia ka committee ba kan peit ia kane khlem da don kano kano ka jingpeit shiliang bad ki kyndon jong kane ka kommittee ka long ban peit la kane ka jingkynnoh ba ka don ka jingleh beain da ki briew kiba na bar khlem da ioh bor.

Kane ka Kommittee, kan pynkhreh ia ki jingnishan jong ka katkum ka jingbethah jong ka kynhun peitngor hapoh ki kyndon kiba la pynmih ha ka 23-7-2019 bad kane ka kommittee ba kan ai jingmut sha ka tnad ka koit ka khiah jogn ka sorkar pdeng kumno ban leh bad kiwei kiwei ki jingai jingmut ka kommittee ka lah ban leh. Ia ka kaiphot hap ban phah hapoh ar taiew.

 

 

What Next?

Recent Articles

Leave a Reply

Submit Comment

*