Nga pdiang lada tohkit hapoh NEIGHRIMS lada dei da ka kynhun CBI ruh: Dr D M Thapa

Shillong, Risaw 21: U Director jong ka NEIGHRIMS u Dr D M Thapa u la ong “ nga pdiang lada tohkit hapoh NEIGHRIMS lada dei da ka kynhun CBI ruh”, ia kane u la kren ha ka jingiakynduh bad ki lad pathai khubor mynta ka sngi ha ophis trei ka jong u.

Haba kren ha ki lad pathai khubor mynta ka sngi, halor ka rai jong ka Governing Body kaba la long ha ka 14 tarik mynta u bnai ha Delhi ban phah hiar shuki ia u kum u Director jong ka NEIGHRIMS u la ong ba yn nym leit kumnto da kaba shah kawang ktieh.

U la ong ba un thoh sha ka Governing body ban pan ia ka jingpynshai halor kino ki nongrim ba la shim ia katei ka rai ban phah hiar shuki ia u na NEIGHRIMS, u la ong ba lada ki don ki jingkynnoh yn nym kwah ban sah wat tang shi sngi ruh, hynrei ba un shu leit kumta khlem da ioh ia ka jingpynshai yn nym leit.

Haba jubab ia ki jingkylli na ka liang jong u Dr DM Thapa u la ong ba kaei kaba ki ia kren hapoh jong ka Governing body yn don jingtip ei ei namar ba khlem shah ia u ban don lang ha ka jingialang bad khlem ai ruh ia u ia ka lad ban pynshai.

Halor ka jingkynnoh ba ka NEIGHRIMS kam long shu, na ka liang jong u Director u khot sngewbha ia u myntri ka koit ka khiah jong ka sorkar pdeng ba un wan peit da lade bad u kloi ban ia lam ia u myntri ka sorkar pdeng ban pyni ia ka hospital.

U Director u la ong ba kane baroh ka don ka jingiasylla ban weng ia u na katei ka jaka bad u la ong ba lada u la leh kano kano kaba bakla dei ban pan jingpynshai lane dei ban phah tohkit katkum ka lynti bad lada dei ban phah tohkit da ka kynhun CBI ruh un pdiang.

Haba jubab ia ka jingkynnoh jong u ia ki lad pathaikhubor u la ong ba un nym jer kyrteng, hynrei ki don ki jingthoh kiba u la buh. Na ka liang jong u Director mynta ka sngi u la ong ba u pan map lada kala pynmong ia kiwei pat ki media ia ka jingkynnoh jong u.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet