Shillong, Nohprah 17: U myntri rangbah ka jylla u Dr Mukul Sangma, shi sngi ha dien ba u myntri rangbah duh jong ka Ri India u Narendra Modi u la krenha ka jingialang paidbah ha Madan Polo ban ong ba kam don ka roi ka par ha ka jylla.
Na ka liang jong u myntri rangbah ka jylla u Dr Mukul Sangma ha ka jingpynlait khubor ka jong u mynta ka sngi halor katei ka jingkynnoh jong u myntri rangba duh jong ka Ri, U la ong “Nga sngew lyngngoh ban ioh sngew ia kum kane ka jingkren na u Myntri rangbah duh jong ka Ri bad kane ka jingkren ka long sha bar bad kaba yn nym lah ban pdiang”.
U myntri rangbah ka jylla u Dr Mukul Sangma u la ong ba u myntri rangbah u la plie paidbah ia ka Surok Shillong-Nongstoin sha Tura ia kaba la sdang ha ka sorkar jong ka UPA namar ka sorkar UPA ka sngewthuh ia ka jingdon kam jong ki paidbah, kum ka surok ban iaid kali saw tylli Shillong Guwahati, ka Shillong By-Pass. Ka jingbei pisa ka dei na ka por jong ka sorkar UDP ha kaba u Dr Manmohan Singh u long u myntri rangbah duh jong ka Ri bad ka Sonia Gandhi kum ka Chairperson jong ka sorkar UPA.
Ki paidbah na ki bynta sep ngi jong ka jylla haba ki wan sha Shillong kum juh iaid shuh lyngba ka Guwahati, kila wan na kane ka surok, u Dr Mukul u la ong ba u myntri rangbah duh jong ka Ri ba mynta u la wan plie ia ka surok kaba la pyntrei ha ka por jong ka sorkar UPA. Haba ia dei ha ka koit ka khiah ka sorkar Meghalaya kala dei ka nongsdang ia ka Health Insurance Scheme ia kaba la tip kum ka Meghalaya Health Insurance Scheme.
Naka liang jong u myntri rangbah ka jylla u Dr Mukul Sangma u la kynnoh kylla ba naduh ba wan ka BJP ha ka bor ha Delhi ia kane ka skhim ia kaba la tip kum ka Block Grant ia ki jylla ka dong shatei lam mih ngi jong ka Ri India kala pynduh noh bad kane kala buh ha ka jingeh na ka jingleh jong ka BJP.
