Ngam dei u MLA iadait dor, u paidbah u la jied ba ngan long u MLA:P T Sawkmie

MLA of MawlaiShillong, Jylliew 15: U Bah Process T Sawkmie mynta ka sngi u la pynpaw sha ki lad pathai khubor ba um dei u Politishian ba ia dait dor ban ia bujli ai kawei bad shim kawei, namarba u dei u MLA ba la jied da ki paidbah.

“Ngam dei u MLA iadait dor, u paidbah u la jied ba ngan long u MLA bad lada ngi ioh ia ki kabu ngin don ha ka sorkar, hynrei lada ngim ioh ia ki kabu, ngin trei kum u MLA,” ong u MLA ka Congress na Mawlai haba kren sha ki lad pathai khubor hadien ba u la dep ai ia ka dorkhas sha u myntri rangbah halor ka jingdawa Civil Sub Division na ka bynta ki nong Mawlai.

U la pynpaw ia kine ki kyntien hadien ka jingkylli ba la kylli da u nongthoh khubor, hato un bud ia ka dienjat u Martin M Danggo, lada u ioh ia ka Civil Sub Division bad halor kane ka bynta u MLA Mawlai, u Bah PT Sawkmie u la bynrap shuh, “Ha ka jingiohi jong nga ka Political Career jong u MM Danggo ne ka lawei jong u Danggo ha ka sain hima ka la kut. Namarba dang kumba 100 sngi tam ne lai bnai tam ba u la jop kum u MLA u la da thmu ban ieh ia ka seng Congress bad leit pyniasoh bad ka NPP, u la kyrkieh shaba palat.”

Katkum ka jingiathuh jong u Bah PT Sawkmie ia kaei ba u Conrad u la ong sha u hadien ba u la dep ai ia ka dorkhas dawa Civil Sub Division, u la iathuh ba u myntri rangbah u la ong ba ka kamram jong u myntri rangbah  ka long ban peit na ka bynta ki kam pynroi jong baroh bad na ka bynta ka jingmyntoi  jong baroh. U myntri rangbah  un nym peit tang ia ka Mawlai haban ai Civil Sub Division, hynrei un peit ruh ia kiwei ki constituency,” ong u Bah Sawkmie.

Halor ka jingdawa ban kyntiew ia ka Mawlai sha ka Civil Sub Division, u Bah PT Sawkmie u la ong ruh, “Kane ka jingdawa kam dei kaba thymmai na ka bynta ka Mawlai, namarba ha ka 20 tarik u Naitung, 2017, ha ka sngi ba u Chief Minister barim u Dr.Mukul Sangma u la wan plie bad buh ia u mawnongrim na ka bynta ka Mawlai C & RD Block, la kyrpad ia u CM ba dei ban ai sa ia ka Civil Sub Division,” ong u MLA Congress haba kren sha ki lad pathai khubor hadien ba u la dep ai bad iakren bad u Chief Minister Conrad Sangma ha kamra treikam jong u hynne ka sngi Thohdieng.

U MLA u la pynpaw ba u la dawa ia kane ka Civil Sub Division da kaba pynshong nongrim halor ka jingheh jong ka area Mawlai, kaba ar halor ka jingbun paid, namarba katkum ka census  jong u snem 2011, ki don haduh 64,000 tam ki paid nongshnong snong bad haduh mynta u 2018 la khein kyllum ba u paidbah nongshong shnong u la poi sha kumba 80,000 tam.

“Lada ngi khein tang ia ki nongthep vote, ka Mawlai ha ka elekshon ba dang shu dep  ka don haduh kumba 43, 000 tam,” bynrap u MLA U la pynpaw ruh ba ka Mawlai ka la bun bha kiba nang bastad, kumta ki bun bha kiba khlem kam khlem jam, ki bun bha kiba iakhun ia ka eksam MPSC, DSC bad kiwei, “Kumta lada ngi ioh ban plie ia ka Civil Sub Division kan iarap bha ia ki samla ka thain Mawlai ba kin ioh ia ki kam ki jam jong ki,” ong shuh shuh.

U la pynpaw ruh ba ha ka dorbar badang shu dep shen, u la kren halor ka Civil Sub Division, hynrei ha kato ka por u la kren kyllum lang ia baroh, ym na ka bynta ka Mawlai, namarba ka dang kloi than ban kren halor kane ka phang.

“Nga dang thmu ban sa kren ha ka dorbar kaba ar, hynrei ka jinglong jingman kaba mynta, nga hap ban pynpaw lang noh ia kane namarba u la thmu ai Civil Sub Division ia ka Ranikor, te un ioh ban leh lang syndon ruh ia ka Mawlai,” ong u Bah Sawkmie bad u la bynrap, “Dei na kane ka daw ba nga la wan ban iakynduh ia u CM ban iakren ba un ai lem ia ka Mawlai.” U la pynpaw ruh ia ka jingkmen, ba na ka liang u Chief Minister u la kular ban sorbe ia baroh ki bynta bad ia ka jaka la ka long ne em ban ai Civil Sub Division bad hadien kata un sa bishar bniah ban leh ia kaba donkam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet