Ngam lai tylli ki iing ha Balat na ka daw jong ka jingshlei um ha ka wah Umngi mynta ka sngi

Shillong, Jylliew 27:  Katkum ka jingpyntip jong ki briew na shnong Balat kaba hap hapoh jong ka South West Khasi Hills District la iathuh ba mynta ka sngi lai tylli ki iing kila ngam sha poh wah na ka daw jong ka jingshlei jong ka wah Umngi.

Katkum ka jingiathuh jong ki briew na katei ka shnong ka long ba kine ki lai tylli ki iing briew kiba la ngam hapoh wah kala jia ha kine ki ar sngi ba jur palat u slap ha kaba ka Wah Umngi kala khlong ia ka khyndew kaba don ha ruh jong ka shnong.

Kane ka jingjia ha Shnong balat ka long man ka snem ha ka por slap, na ka liang jong ka tnad Water Resources kala ialeh ban ker ia kane ka wah hynrei ka la pyndon kam da ki siej kumba ker kper.

U bah Pius Marwein MLA jong katei ka jaka haba kren ha u SP News Agency u la ong ba ka Bramaputra Board kala dep khot ia ka tender ban shna ia ka kynroh bad ki nongtrei ruh kila wan ha bnai Lber mynta u snem hynrei da ka jingwan noh kane ka khlam COVID-19 ka jingtrei kala sah kut noh.

La iathuh ba ka jingtrei ban ker kynroh ban iada ka ka shnong Balat na ka jingshah khlong ha ka wah Umngi ka long T. 12 klur tyngka. La ong ba ka jingiada ia ka shnong Balat kan dei tang ynda la dep ban tei ka kynroh la lah ban iada ia ka jingkhlong ka wah Umngi ha ka por lyiur.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet