Shillong, Naiwieng 01: U myntri rangb
ah ka jylla u Dr Mukul Sangma u la ong ba “Ngam pat register Aadhaar ia lade haduh mynta”.
Haba kren ha ki nongthoh khubor mynta ka sngi u myntri rangbah u la kren shai kdar ba ka sorkar pdeng kam dei ban pynbor ia ki briew ban register Aadhaar, ha ka juh ka por u la ong ba ka sorkar jylla ka pyntrei kam ia kane namar ki don bun ki briew kiba pule sha bar ka jylla ki don kam ia u Aadhaar.
“ Nga la kren ia u Myntri rangbah ka jylla Assam bad kin dang ia kren bad kiwei ki myntri rangbah jong ki jylla halor kane ka kam bad ia dei bad u Aadhaar namar ka ktah ia ka jingwan rung kyrthep jong ki briew kiba namar ia kane ka kam dei ban ia pynbeit thikna namar ka long thulmur sha ba palat”.
Kumba ka long mynta ki paidbah ki don ha ka umdum halor kane ka bynta namar ka sorkar pdeng kam ai ia ka jingpynshai, kawei ka tnad sorkar ka ong da kumwei kawei pat ka ong da kumwei. Ka sorkar pdeng ka dei ban ai tang ka wei ka jingbethah ha kaba ia dei bad u Aadhaar.
Kumba ka long mynta ka jingshah jong ki briew ha ka um dum ka long halor ka jinglong laitluid jong u ne ka briew, ha ka shynshar paidbah u ne ka shimet shimet ka dei ban don ka jinglait luid lada kam don shuh ka jinglait luid kane kala long pyrshah ia ka saindur jong ka jingsynshar paidbah
