Shillong, Kyllalyngkot 23: U Bah Kornding Nongbsap na ka shnong Umroi u wei na ki nongwat jingtip lyngba ka RTI ha kaba ia dei bad ki kam kynnoh bamsap u la ong ba um hun ia kaei kaba ka Lokyukta ka leh.
Haba kren ha ki lat pathai khubor mynta ka sngi ha Shillong Press Club u la ong ba u sngew diaw ba ka Lokyukta kala shu pynkut tang na kaba shim ia ka kaiphot jong ki pulit, hynrei ha ka juh ka por u la ong ba u sngew kmen ba ia kane ka jingujor kala pynneh ia ka jingbishar haduh hynriew bnai.
“Ngam hun ia ka jingleh ka Lokyukta ba kala pynkut noh ia ka jingujor jong nga pyrshah ia ka PWD Umsning halor ka jingkynnoh bam sap kaba la kot sha ka 12 klur tyngka. Ha ka juh ka por nga ai khublei ia ka Lokyukta ba kala pynneh ia kane ka jingbishar haduh hynriew bnai” La ong u Bah Kronding.
Na ka liang jong u Bah Kronding u la ong ba kan long kaba bha lada ka sorkar kan lah ban ai ia ka jingiada ia ki nongwad RTI, la iathuh ba u la shah byrngem halor kane ka jingwad RTI jong nga. Haba ia dei bad katei ka jingujor kaba pynlyngoh ka long ba ka sorkar ka pynkynriah kam noh ia Engineer.
La ong ba bun na ki paralok bad kiba ha iing ha sem ruh kila pynpaw ia kata ka jingsngewsyier ioh ka jia kumba long lem sha kiwei ki bynta jong ka Ri India namar ba haduh mynta ki nongwad RTI kila jah klet kumba 40 haduh 45 ngut ha Ri India baroh kawei.
