Ngan ia khun ia ka MLA elekshon na 14-Pynthorumkhrah ha u snem 2023: Samborlang

Shillong, Nailur 20: U bah Samborlang Diengdoh mynta ka sngi  u la pynbna ba un ia khun ia ka MLA elekshon ha u snem 2023 na ka 14-Pynthorumkhrah konstitwnesi kum u kyrtong shimet, ia kane la pynbna ha Shillong Press Club mynta ka sngi.

Haba kren ha ki lat pathai khubor u bah Samborlang u la ong ba ka jingmih jong u sha khmat ban ia khun ia ka elekshon ka long ba u kwah ban ai jingsynshar kaba khuid ba suba bad u la kam ba u la ioh ia ka jingkyrshan kaba khlam na ki paidbah katei ka konstitwensi.

Haba jubab ia ki jingkylli la ong ba, ka jingiakhun pyrshah ia ki ar ngut ki kyrtong kiba la paw bha ha ka jylla kam dei kaba suk, u bah Alexander Hek Laloo u ba la mih khmat ia kane ka jaka ha kine ki 25 snem bad u bah Pynshngainlang Syiem MLA ba rim ka Mawsynram bad mynta  MDC.

U bah Samborlang u la ong ba ka jingthmu jong u ban poi sha ka sain pyrthei kam dei ba u don jingthmu ban pynkhlain ia ka kam ka jam jong u, ha ka liang ka kam ka jam u la dep ban pynskhem bad kaei kaba  kwah ka long ban ia ka jishakri kaba khuid ia ki paidbah.

Haba la kylli ba u kwah ban ia khun kum u kyrtong shimet balei um ia khun na ki party, u bah Samborlang la ong ba kane ka dei kaba u kwah, bad lada u shah jied kum u nongmih khmat um trei na ka bynta ban kyntiew ia ka roi ka par ki paidbah khamtam ki nongrep.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet