Ngan ialam ia ki seng bhalang sha u Amit Shah ban ia kren halor ka ILP: Arnest

Shillong, Kyllalyngkot 15: U Bah Arnest Mawri State President jong ka BJP u ba dang shah jied mynta ka sngi u la ong ba un ialam ia baroh ki seng bhalang jong ka jylla ban ia kynduh ia ki nongialam jong ka BJP ha Delhi ban ia kren halor ka ILP.

Ha kren ha ki lad pathai khubor mynta ka sngi ha dien ka jingshah jied kum u President u ong “ Nga kyrpad ia baroh ki sentg bhalang ha ka jylla, ngin ialam ia phi sha Delhi namar ka jingdawa ia ka ILP ka dei ka jingdawa jong ki paidbah ka jylla, nga ai ka jingkular kum u president ka BJP jong ka jylla Meghalaya ban ia kynduh ia ki nongialam ka BJP”.

Haba jubab ia ki jingkylli u Bah Arnes u la ong ba ka BJP ka kyrshan ia ka jingdawa ia ka ILP namar kane ka dei ka jingdawa jong ki paidbah. Haba ia dei bad ka CAA, al ong ba un kwah ban kren ei ei namar ka dang don mynta hapoh iing bishar, la ong ka dei ka jingshisha ba ka BJP kala buh ia kane ha ka jingkular ilelshon.

U National secretary u Sunil Deodharji ha ka jignkren jong u, u la kam ba dei tang ka BJP ka party kaba pynlong ia ka ilekshon ban jied ia ki nongkit kam ka party hapoh ka jingtip jong ka ilekshon commission jong ka Ri India. U ai ka jingkit bok ia u president ba thymmai ka BJP ha Meghalaya u bah Arnest.

Haba ia dei bad ka Party u la ong ba u Bah AL Hek u dei u briew ba paw ha ka dong shatei Lammih Ngi jong ka Ri India namar u dei u Khristan bad u riewlum hapoh jong ka party ka jingkynnoh ba ka BJP ka long pyrshah ia kano kano ka niam ka long kaba bakla shibun.

Halor ka jingkythoh pyrshah ia ka BJP, u la ong ba ki liang pyrshah kin pyrshang ban ialam bakla ia ki paidbah, hynrei ka dei ka kam jong ki nongialam ka party ruh ba kin pynshai ia kaei kaba ka sorkar BJP ka leh naka bytna ki paidbah.

Ha ka jingkren jong u Bah AL Hek u la ong ba ka BJP Meghalaya State Unit hapoh ka jingialam jong u Bah Arnest Mawri kan sa leit sha ka general ilekshon sha ka iing dorbar thawain ka jylla ha u snem 2023 bad ka sorkar ha u tei u snem kan long ka sorkar ka ban ialam da ka BJP.

What Next?

Recent Articles

Leave a Reply

Submit Comment

*