Shillong, Jymmang 23: U dkhot jong ka parliament ba dei jong ka Lok Sabha u ba dsng hsu jop shen ha kane ka election shiteng samoi na Tura, u Conrad K Sangma un sa shim smai kum u MP ba pura ha ka dorbar lyiur kaban sa wan , kaba sdang biang ha u Naitung.
Haba jubab ia ka jingkylli jong u SP News Agency naka liang jong une u MP ba thymmai u la ong “ Ngan sa shim smai ha ka dorbar Lyiur kaban sa wan” da kane ka jingpynshai jong u MP ba dang shu shah jied kala buh ia ki nongkyrshan baroh ba kin tip ia ka sngi ba un shim smai.
Mynta ka sngi na ka liang jong u Bah Vincent H pala mynta ka sngi u la leit ban ia kynduh ia u MP ba thymmai ka Tura u Conrad K Sangma ha iing sah jong u ha Delhi ban ai khublei ia u ha kane ka jingjop ka jong u da kaba ai ia u syntiew. Da kane ka jingjop u Conrad u la mih bujli ia u kpa jong u u Purna A Sangma u ba la mih khmat ia ki paidbah katei ka thain da ki bun bun snem.
