Shillong, Iaiong 01: Ka Deputy Commissioner jong ka East Khasi Hills District ka kong Matsiewdor N War, kala ong ba kin dang ia pyrkhat halor kane ka jingwan thied mar ki nongkhaii na nongkyndong bad u mytnri rangbah ruh u lakhot ia ka jingialang mynta ka sngi.
Haba u SP News Agency u la kylli, hata ka don ne em ka jingthmu ban buh ar rukom ka rukom wan thied mar, shi sngi kan long ia ki nongkhaii ka sor Shillong bad shisngi ia ki nongkhaii na nongkyndong khnang ba ki nongkhaii na nongkyndong kin nym ia kynduh jingeh.
Ka Deputy Commissioner jong ka East Khasi Hills kala ong ba ia kane ka phang ki dang ia pyrkhat bad mynta ka sngi u myntri rangbah ka jylla u la khot ia ka jingialang ban ia kren bad baroh ki MLA, kum juh na ka District Council ban ia kren ia pynbeit kaba kham bniah.
Kane ka long ban pynthikna, namar ka dei ka jingshisha kumba la kylli ba ki nongkhaii na nongkyndong ki shem jingeh ban wan sha Shillong, kata ka dei ka jingshisha, ki dang peit mynta ba lada lah ban pynpoi sha duh ki Civil Sub Division ban suk ia ki nongkhaii ba kin kit ia ki mar ki mata.
Halor ka jingong ba ki nongkhaii na nongkyndong ka Deputy Commissioner kala ong ba ki Magistrate ki peit ba baroh ki kali kiba wan thied mar kim dei ban leit phai thylli sha la ki shnong. Ki Magistrate ki don naduh phara baje mynmeit haduh 6 baje mynstep ki don.
