Shillong, Nailar 05: U Augustine Marak u wei na ki dkhot jong ka Garo Hills State Movement Committee (GHSMC) u la ong ba kane ka Memorandum kaba ki ai mynta sha ka sorkar pdeng ban dawa ia ka Garoland kam dei kaba thymmai, hynrei ki but dien ia kaei kaba la ai da uBah Hopingstone Lyngdoh bad u Clifford R. Marak ki kpa tynmmen bam kwai ha dwar u blei ha u myntri rangbah duh jong ka Ri India ha u snem 2011.
Haba kren ha u SP News Agency, na Delhi u la iathuh ba ia kane ka “Joint Memorandum” kaba la ai da kitei ki ar ngut ki nongialam rangbah jong ka jylla ban dawa ia ka Garoland bad kumjuh ia ka Khasi- Jaintia State. Ia ki jaka kiban hap hapoh ka Garoland bad ka KHasi state la dep ban pruid dak da kitei ki nongialam ar ngut kiba la long ki nongprad lynti ha kane ka jingialeh.
La iathuh ba katkum katei ka Joint Memorandum kaba la ai da kitei ki nongialam ar ngut, ia kaba kila shimti mynta ban bud dien ia kane ka kam, kila kren shai kdar ba ia ka Jylla Khasi Jiantia state bad ia ka Garoland dei ban ai katkum ka article 370 (g) jong ka Riti synshar jong ka Ri India, dei halor kane ba na ka liang jong ka GHSMC ka pynkynmaw biang ia ka sorkar pdeng.
