Shillong, Jymmang 23: U National President jong ka seng NPP u Conrad K Sangma, u la ong ba kum ka party ka dang pyrshang ban ia kren ia sngewthuh jingmud bad kiwei ki party ban pynthikna ba ka party congress kam dei ban wan ha ka bor ha u snem 2018, ka jingiakren ka dang iaid hynrei kam pat poi ha kano kano ka rai ha kaba ia dei bad kane ka bynta.
Kum ka party ka NPP kan trei na ka bynta ki rit paid jong kane ka Ri bad khamtam eh na ka bynta ka dong shatei lam mih ngi jong ka Ri India, ka seng kan pyniakhun ha ka election ka ban long ha Nagaland bad kum juh ha Mizoram.
Haba ia dei bad ka jingkylli kan don em ka jingiatehlok shuwa ka election ne kin ia trai lang ym da la kut ka election, na ka liang jong u tei u nongialam jong ka NPP u ba dei ruh u MP jong ka Tura u la ong ba baroh ar ki dang sah ha ka jingiamir jingmut.
