Shillong, Risaw 03: Ka kynhun ki nongkyrshah jong u Bah HS Shylla MDC jong ka Nongkrem ha dien ba kila ia kynduh ia u CEM jong ka KHADC u Bah PN Syiem halor ki skhim MDC hapoh jong katei ka Konstitwnesi kila pdiang ia kaei kaba la ai jubab da u CEM ha kane ka jingiakynduh kaba la long mynta ka sngi ha kamra trei kam jong u.
U Bah Hilarius Warbah haba kren ha ki nongthoh khubor ha dien ka jingiakynduh bad u CEM ban ioh ia ka jingshai ha kaba ia dei bad ka MDC skhim hapoh Nongkrem Constituency, u la ong ba na ka liang jong u CEM u la iathuh ba T.1.12 klur la dep ban pynlait ia ka skhim kumba la pan da ki nongrah shnong ha ka por ba ym don MDC.
Ia kaba sah T.1.88 klur ka District Selection Committee ka shnong mynta ka sngi ban ia kren bad ha dien kata kin phah sha ka State level Seclection committee bad ha dien ba ka state level committee kala pdiang kin sa pynlait noh ia ka skhim bad kane kan nym don jingeh namar ka sorkar ruh ka kwah ban pyndep noh ia kane ka pisa kaba dang sah.
Kane ka jingsah kut jong ki skhim jong ki MDC na kito ki konstitwensi kiba jop ia ka election shiteng samoi kam dei tang jong ka Nongkrem hyrnei ka dei na baroh hynriew tylli ki konstitwensi, haba phai sha u MDC jong ka Mawthadraishan ban ong ba u la ioh kham bun ka long kaba bakla, ka jingioh bun ka long ba ki rangbah shnong ha kato ka por kila phah bun ka skhim.
U bah Hilarius u la ong ba na ka liang jong u Bah HS Shylla MDC jong ka Nongkrem u la phah ia ki skhim sha ka KHADC naduh u bnai Lber haduh u bnai Jymmang ia ka pisa kaba dang sah T.1.88 klur hynrei haduh mynta kim pat ioh wat tang kawei ruh, hynrei ha kane ka jingiakynduh mynta la sngi la ioh jingshai ba ka District Selection Committee ka dang shong mynta ka sngi. Kum ki nongkyrshan jong u MDC ki kwah ban ia ki skhim kiba dang sha ki kwah ban ioh shuwa ba kan don ka jingpynbna ia ka MLA Election ha ka jylla.
