Shillong, Risaw 04: Ki khladlai seng kiba dawa na ka sorkar ba dei ban pyntrei kam ia ka Inner Line Permit (ILP) ha ka jylla mynta ka sngi kila pynlong ia ka jingiakhih shong kyllain mungor ha jan additional Secretariat ban dawa na ka sorkar ba ka dei ban pyntrei kam noh ia ki khyrdop kiba la tip kum ki haka rung bad jaka mih.
Ha kane ka jingiakhih shnong kyllain mungor kaba la long mynta ka sngi, ki dkhot jong ki khlatlai seng barog kila ia poi lang ha kane ka jaka ban pynpaw sha ka sorkar ba ka dei ban pyntrei kam noh ia ki khynrdop ban peit ia kiba rung bad ki mih ia ki bar jylla sha kane ka jylla.
U Bah Wellbith Rani nongkhot ia kine ki khatlai seng u la ong ba, kaei kaba ki kwah ban long ba ka sorkar ka dei ban pyntrei kam noh ia ki lad jingiada ban khanglad ia ka jingwan rung kyrthep jong ki briew ban a bar sha kane ka jylla, katkum ki kyndon ain kiba ka sorkar kala dep ban shna.
Haba jubab ia ka jingkylli ba ia dei bad ka jingkam jong u CEM jong ka KHADC u Bah HS Shylla ban pyntrei kam ia ka ILP katkum ka shithi kaba la phah da ka sorkar jylla lyngba ka tnad political Department, u Bah Rani u la ong ba kim don ei ei ban ong, kaei kaba ki kwah ka long ban ai ka jingiada ia baroh kawei ka jylla.
U Bah P Thangkhiew President jong ka RBYF, u la ong ba katkum ka “Adoption of Law da ka District Council” ha JHADC kane ka ain ban pyntrei kam ia ka ILP kam don, kum juh ha GHADC ruh. Kaei kaba ki kwah ka ban dei ban don ka jingiada na ka jingwan tuid jong ki briew kiba na bar sha kane ka jylla.
