Ngi kyrmen skhem ban ioh ia ka ILP, ha ka juh ka por ngin nym shong kli kti: CoMSO

Shillong, Kyllalyngkot 10: ka jingialang jong ka CoMSO kaba la long mynta ka sngi kala shim ia ka rai ba kin pyrshah beit ia ka CAA, 2019, ka CoMSO kan nym pdiang ia ka CAA lada pyntrei kam ia ka ILP ruh kin pyrshah ia ka CAA. Don lane kam don ka ILP ka CoMSO kan pyrshah beit ia ka CAA.

Ka jingdawa na ka CoMSO ka long ba ka sorkar pdeng ka dei ban weng noh ia ka CAA bad ha ka juh ka por na ka liang jong ka seng kan ujor pyrshah ia ka CAA hapoh iing bishar ba ha khlieh duh jong ka Ri India ha kane ka taiew ban wan kumba la pynbna ha ki jingialang baroh kiba la dep ban pynlong.

Ka seng ka pynrem jur ia ka sorkar pdeng kaba khlem pat ai rai mynta la lai taiew ba khlem ai rai ei ei haduh mynta bad kaba sngewlyngoh ka long ba a sorkar kam pat khot ia ka jingiakren halor ka rai jong ka sorkar hapoh ka iing dorbar.

Ka CoMSO ka pynrem jur ia ka jingkren jong u bah AL Hek, bah Vincent H pala namar ka jingkren jong ki ki long ba ki pyrshah ia ka ILP, ka seng ka pynrem jur ia kane ka jingkren. Halor kane ka sorkar kala khot ia ka jingialang baroh ki seng bhalang bad ki riew paidbah ruh sa kaei pat hap ban dang ia kren.

Kine ki dei ki jingleh ban pynslem, ka jingkren jong u bah pala ka paw shai ba um sngewthuh ia ka jingmut jong ka Sixth schedule bad ia ka ILP, ka Sixth Schedule ka dei ia ka riti dustur ka ILP ka dei ban ia da na ka jingwan ki briew ba na bar.

Kine ki jingkren ka long tang ban pynklumar ia ki paidbah, kane ka long kaba yn nym lah ban pdiang, kaba sngewsih ka long ba kila don ki briew kiba leit sha Delhi ban pynshoi ia ka sorkar pdeng ban nym ai ILP ka seng ka maham ia kine ki briew kiba leit ban ujor sha ka tnad kam poh iing jong ka sorkar pdeng haba kam ktah ia ki.

Kine ki briew it mat kin kwah ban bun paid kiwei pat ki jaidbynriew, na ka liang jong ka seng ka dawa ba ki dei ban sangeh noh kane ka jingleit berbih sha ka sorkar pdeng, lada kine kiba pyrshah ki dei ban wan haba paw ym ban leit narieh narieh wan sha khmat.

Katba ka sorkar pdeng kam pat lah ban ai ia ka ILP ka seng kala shim ia ka rai ban pyrshah beit ia ka jingwan jong ki lada ki wan sha kane ka jylla Meghalaya ia kane ka jingleh kmienah, lada lah ban ai ia kiwei ki jylla kan ei ban ai ia ka jylla Meghalaya.

Ha ka juh ka por la ong ba ki myntri na ka sorkar jylla kila leh sting kam biang tang ban shu ong ba kila pdiang hapoh ka ing dorbar ban pyntrei kam ia ka ILP, hynrei kila rai ban pynlong ia ka ia ka jingpyrshah ia ki ruh kum juh, kiwei kiwei kin sa pynshai paidba da kaba shon ia ka kot lyngkdop.

Ha ka juh ka por la kyntu ia ki Syiem, ki Sirdar, ki Nokma bad ia ki Doloi ba kin lum ia ka dorbar jong ki ba kin pynpaw ba ki dawa ia ka ILP ba dei ban pyntrei kam ha kane ka jylla bad ka don ka jingkyrmen ba kin ioh ia ka ILP. Kin nym shong klit kti haduh ban da ioh ia ka ILP.

 

 

 

What Next?

Recent Articles

Leave a Reply

Submit Comment

*