Ngi la kut jingmut ban pynlong ia ka National Games ha u snem 2022: Conrad

Shillong, Nailar 16: U myntri rangbah ka jylla ha ka jingkren jong u ha ka jingrakhe ia ka sngi Laitluid ba 73rd jong ka Ri India ha Madan Polo u la ong ba “Ngi la kut jingmut ban pynlong ia ka National Games ha u snem 2022”.

U myntri rangbah u la ong ba ka thong jong ka sorkar ka long ban pynlong ia ka National Games kum ka rynsan ba ka jylla Meghalaya kan long ka jylla kaba khlain ha ki kam ia lehkai bad ka National Games ha u snem 2022 kaban long ha kane ka jylla kan long kaba I shongkun.

Ka sorkar kala dep ioh ia ki jaka ban shna ia ki jaka ialehkai, ha Mawdiangdiang bad ha Dalmagre ha jan Tura. Ha kine ki ar tylli ki jaka yn shna ia ki jaka ialehkai bad ia ka shnong ban sah ki nongialehkai. Ka jingpynwan dur ban tei ia kine kala iaid sha khmat mynta.

Ka sorkar shen kan sa pynlait noh ia ka pisa kaba T.170 klur tyngka ban sdang noh ia ka jingtei hapoh Mawdiangdiang. Na ka liang jong ka tnad ia lehkai ka sorkar jylla kala iaid sha khmat ban ia sngewthuh jingmut bad ki kynhun ia lehkai ha kane ka jylla kum ka jingpynkhreh ia katei ka National Games.

Ka sorkar jylla kan sa pynim biang ia ka Meghalaya Games ka ban sdang ha u Naiwieng mynta u snem. La ong ba la pynlong khatduh ia ka Meghalaya Games ha u snem 2006, ha dien 13 snem ka sorkar kan pynim biang kum ka jingpynkhreh ia ka national games.

What Next?

Recent Articles

Leave a Reply

Submit Comment

*