Ngi la thoh sha ka ‘Ministry of Tribal Affair’ ban pynkiew ia ka Skolarship ki samla pule: Lakhmen

Shillong, Nailar 05: U Myntri ba dei peit ia ka tnad pule puthi jong ka sorkar jylla u Bah Lakhmen Rymbui u la iathuh ba ka sorkar jylla kala thoh sha ka “Ministry of Tribal Affair” ban kyntu ia ka sorkar pdeng ban pynkiew ia ka Sklorship ki samla pule ha kane ka jylla Meghalaya.

Katkum ka jingai jingmut jong ka sorkar jylla sha ka sorkar pdeng, ka long ba ia ka rukom ai ia ka scholarship sha ki samla pule la phah ha ki saw bynta, na ka bynta ki samla pule kiba pule ia ka MBBS bad Engineer shim ia ka rai ban kynkiew sha ka T.35000/- tyngka shisnem.

Ia kiba pule, Nurse, LLB, B. Phram la rai ban pynkiew sha ka T.25000/- tyngka shisnem, ia ki ba pule ia ka Bsc, Bcom, BA la rai ban pynkiew sha ka T.20000/- tyngka shisnem bad ia kiba pule klass XI bad XII la pynkiew sha ka T.15000/- tyngka shisnem. Ia kane ka rai la shim ha ka “Fees Fixation Committee”.

Na ka liang jong u myntri ka tnad pule jong ka sorkar jylla u la iathuh ba ka jingsiew ia kane ka sklorship jong ki samla pule ka dei ka skhim jong ka sorkar pdeng ha kaba ka sorkar pdeng kan bei 90% bad ka sorkar jylla kan bei 10%.

Haka juh ka por na ka liang jong ka sorkar jylla kala thoh sha ka sorkar pdeng ban pynkiew ia ka jingioh jong ki kmie ki kpa na ka T.2.5 lak tyngka namar kane ka jingbyn kyndon mynta kala duna palat, la kumno kumno ka sorkar pdeng ka dei ban pynkiew khang ba bun ki samla pule kin ioh ia kane ka jingmyntoi.

What Next?

Recent Articles

Leave a Reply

Submit Comment

*