Shillong, Nailur 27: Ka jingwan ha KHADC ka long ban wan ai jubab, ha dien b aka ophis kala dep khot hajir, ka jingujor ka long halor ka jingkynnoh ba u syiem u ai benami, hynrei na ka liang jong ka dorbar jong u Syiem ka ai ia ki khun ki hajar bad kaei kaba ki leh kata ka dorbar kam tip shuh la ong u syiem jong ka hima Jirang u Pa’im Amborlin Wahlang ha ki nongthoh khubor mynta ka sngi ha phyllaw jong ka District Council.
U Bah M Syngkli secretary jong ka Joint Action Committee jong ka hima Jirang, u la ong ba ngi la dep ai ka jingujor sha ka KHADC ha long halor ki kynrum kynram bad u la kynnoh ba u Syiem u la leh politic halor ka synshar khaddar bad mynta ka shong ha ka ophis jong ka EC ba kan ai ia ka rai bad ki jingujor jong ki ki long halor ki 19 tylli ki mat.
Na ka liang jong ka JAC kam lah ban pdiang ba kin don haduh 22 tylli ki karkhana ot dieng bad ki par maw kin long ki maw pud kim lah ban pdiang, lada dei u pud dei ban thung da ki mawpud ym ban tih maw, bad hapoh ka hima ha ka jaka ban don saw ngut ki myntri mynta ki don ar ngut, kane ruh ka long kawei na ki jingpynkhein ia ka riti synsahr jong ka hima.
U Bah Jestfull Wahlang u ba dei na ka kur phrakpoh u la ong kynnoh ba kane ka jingwan jong ki ka long ban pyrshah ia ka jingleh don bor jong u syiem bad kum ka kur ka don ia ka hok ban long syiem, ka long ka jingleh bor jong u syiem ha kaba mynta ym shym la pynlong ia ka dorbar hima.
Kum ka hima kala khang ban nym ai pata hynrei u la ai sha ki briew kiba don ha khappud bad ka jingai jingbit ia ki kor tyllait maw kaba ka hima kala khnang bad kumba ka long mynta u syiem u la ai jingbit.
