Ngim pat tip lano kan poi ka met u Archbishop sha Shillong pynshai u phadar Jimmy

Shillong, Risaw 17: U Phadar Jimmy Marngar Pro-Chancellor jong ka Archdiocese Shillong, mynta ka sngi la pyntip ba haduh mynta ym pat ioh jingtip lano kan poi ka met jong u Archbishop Rev Dominic Jala sha Shillong. U la ong ba mar ia ioh ia ka jingtip yn sa pyntip paidbah ia ka sngi bad ka tarik.

Haba kren ha ki lad pathai khubor mynta ka sngi, u Phadar Marngar u la ong ba kane ka long ban pynbeit ia kaei kaba la mih ha ki lad pathai khubor ia ka jingwan poi jong ka met u Archbishop   sha Shillong.

Na ka liang jong u Phadar Marngar u la iathuh, mynta ia ka met jong u Archbishop la shimti na ka kti jong ki pulit ka Ri America, kaba sah mynta ka long ba dang ap ia ka tiket eroplane ban wan sha India, mar ia ioh ia ka tiket eroplane kin mih ban wan sha Shillong.

La iathuh ba mynta u don u Bah Vincent H Pala bad lai ngut ki phadar sha San Francisco ban wanrah ia ka met jong u bishop sha Shillong, dang ia pyrshang ban ioh ia ka tiket ban wan beit sha India.

La iathuh ba ha dien ba la ioh ia ka tiket ynsa pyntip paidbah namar ki sngewthuh ia ka jinglynga jong ki paidbah kiba dang iai ap ban tip lano kan poi ka met jong u Arcbishop sha Shillong. Ynda ka met ka poi sha Guwahati Airport yn rah sha St Joseph Church ha Guwahati.

Ynda poi sha Meghalaya ynrah sha parish Byrnihat, Nongpoh, Umsning, sha iing ha Mawlai bad ha Mawlai Parish bad ynsa pynpoi sha iing mane bah Laitumkhrah ban buh na ka bynta ki paidbah riew ngeit kin wan jngoh shuwa ban pyndon burom khatduh, ia ka jinglehniam yn pynlong hapoh iing mane bah.

What Next?

Recent Articles

Leave a Reply

Submit Comment

*