Shillong, Lber 22: U Bah Manstudy Nongrem Chairman jong ka House Committee hapoh jong ka KHADC u la ong ba ka Committee kala dep ban bishar bniah ia ka kaiphot jong ka kynhuh tohkit ha dien ka jingiashong kaba la long san sien lynter, ia kane ka kaiphot ynsa ai sha u Chairman jogn ka iing dorbar ha kine ki sngi.
Haba kren ha ki nongthoh khubor u u Bah Nongrem u la ong ba ia ka jinglap jong ka house committee yn nym lah ban iathuh mynta namar ba ia kane ka kaiphot kaba kin ai sha ka iing dorbar hap ban report sha ka iing dorbar ynda la rah hapoh ka iing dorbar ki paidbah kin sa lah ban ioh ia ka jingshai ha kaba ia dei bad kane ka jingkynnoh ba kala don ka jingsei pisa haduh T.1.52 klur na ka pla jong ka KHADC bad thep sha ka account jong ki riew shimet.
Haba jubab ia ka jingkylli na ka liang jong u Bah M. Nongrem u la ong ba na ka liang jong ka Committee kala sngewdei ban khot ia ka jingiashong dorbar kaba kyrpang ha kaba ia dei bad kane khnang bay n dup lah ban wanrah ia kane ka kaiphot hapoh ka iing dorbar. La ong ba na ka liang jong ka Committee kala khot ia baroh ki briew kiba ia don jingiadei bad kane ka kam ha khmat jong ka Committee.
Ha dien ba la mih ka jingkynnoh ba kala don ka jingsei ia ka pisa jong ka KH
