Shillong, Naiwieng 25: U Bah Latiplang Kharkongkor Chief Executive Member jong ka KHADC ha dien bala ioh ia ka jingithuh na u Lat jong ka jylla ia ka kam CEM jong u hapoh jong ka KHADC u long ba kin dang ia shong ban jied ia ki dkhot ban don hapoh jong ka Executive Committee.
Haba kren ha ki lat pathai khubor u la ong ba ia mynta ym pat lah ban ong mano ban don ha ka EC, kum ka kynhun UDF kin ia shong bad jied ia ki para MDC ban don hapoh jong ka EC, ia mynta ym pat lah iathuh namar kum ka kynhun ki hap ban ia treilang.
Kumba shu kdew ba kane ka kynhun UDF ki don khatsan ngut ki MDC ha ka iing dorbar kaba 29 ngut, ar ngut u Bah Pynshngiang Syiem bad u bah Alvin K Sawkmie kila don ha ka shuki bad u Bah Latip lang kum u CEM.
Kiba sah mynta ki long khat ar ngut bad na kine ki khatarngut 10 ngut kin don ha ka Executive Committee bad ar ngut kin lait na ka Executive Committee. Ha kane ka kynhun ki don khyndai ngut ki MDC Congress, wei na ka PDF, Ar na ka NPP, lai ki dkhot shimet.
