Shillong, Nailur 26: U Myntri ba dei peit ia ka tnad Disaster management u bah Kyrmen Shylla u la ong ba kin thoh sha ka tnad khlaw ban pom noh ia ki dieng kiba don ha rud surok namar ka long ka jingma lada kim skhem shuh.
Ha ka juh ka por u la ong ba namar ka jylla Meghalaya ka dei ka jylla lum ka don ka jingma ha kaba ia dei bad ka jingtwa khyndew kumta u la kyntu ia ki paidbah ba kin long kiba husiar ha kum kane ka por.
Na ka liang jong ka tnad Disaster management kala shim khia ban iarap ia ki briew kiba ia kynduh ia ki jingshah ktah ha ka mariang ban pynkhuid ia ki surok kiba shah ktah na ka jingtwa khyndew.
