Shillong, Naiwieng 23: U Bah Michael Syiem president jong ka Matishaphrang Movement, u la ong ba kane ka election kala poi bad baroh ki seng sain pyrthei ki iakren ia kata ka jingsynshar kaba khuid bad suba, halor kane ka jingkren, u tei u nongialam jong ka seng u la ong “Ngin ia peit kiei na ka liang jong ki seng sian pyrthei kaba kubur ban pyntrei kam ia ka ain Lokatukta”.
Haba kren ha ki nongthoh khubor mynta ka sngi ha Shillong Press Club, na ka liang jong u Michael u wei na ki nongialam ban ia khih ban dawa ia ka ain wad jingtip, u la ong ba ka ain wat jingtip kam don ia kata ka bor ban pynshitom ia u ne ka briew kiba la shah kynnoh lada lap lyngba ka ai wad jingtip.
Ha dei ba ki seng trei mon sngewbha kila ia dawa, ka sorkar pdeng kala thaw ia ka Lok Pal kane ka ban peit ia ki jingshah kynnoh bamsap lada ka dei hapoh jong ka sorkar pdeng bad ia ki jingkynnoh bamsap hapoh jong ki sorkar jylla la wan rah ia ka ain kaba la tip kum ka Lokayukta ia kaba ka sorkar Meghalaya kala wanrah ia kane ka ain ha u snem 2012.
Kane ka ain kaba la wanrah ha u snem 2012 ka long tang kum ka kynhun ai jingmut, dei halor kane ba kila thohsha ka sorkar UPA ha kato ka por bad ia ka ain Lokayukta dei ban pynwan dur katkum ka ain Lok Pal ka don ia ka bor ban pynshitom ia kiba don kti. Dei halor kane ka jingdawa ba ka sorkar kala wanrah ia ka jingpynkylla ia ka ain bad mynta ka long kum jong ka Lok Pal, hynrei kaba sngewsih ka long ba ka sorkar haduh mynta kam pat pyntrei kam ia kane ka ain ha ka jylla.
Ki lai tylli ki seng ka Mait shaphrang movement, ka Civil Society Women Organisation bad ka Thma U Rangli ki dawa na ka sorkar ba lada kam pat lah ban thung ia u Chairman jong ka Lokayukta, ka sorkar kala dei ban pynmih noh ia ka jingpynbna sorkar ba baroh ki nongtrei sorkar, naduh u myntri rangbah ka jylla ha duh ki nongtrei sorkar kid ei ban ai jingkhein sha ka sorkar ia ka jingioh jong ki, ym tang ia ki, hynrei ia kito baroh ki don lang ha ing ha sem.
Ki seng sain pyrthei ki ban ia khun ia kane ka election 2018 ki dei ban ai ka jingkular ha khmat jong u paidbah ba lada ki wan ha ka bor kin pyntrei kam ia kane ka ain Lokayukta, lane ki riew shimet ki ban ia khun elelction ki dei ban kubur ba lada ki jop kin ia ksaid na ka bynta ban pyntrei kam ia kane ka ain. Lada ym lah ban pyntreikam ia kane ka ain ka long kaba eh ban khanglad ia ki kam bamsap ha ka jylla, la ongu Bah Michael.
