Shillong, Nohprah 07: Da ka jingleit ban pyniasoh u bah Batskhem Ryntathiang MDC jong ka Mariang sha u kynhun United Democratic Alliance (UDA) kala don mynta 15 ngut ki MDC ha ka iing dorbar kaba 29 ngut ha KHADC. Kine ki MDC baroh khatsan ngut kila ia soilang mynta ka sngi.
Haba kren ha ki lat pathai khubor mynta ka sngi u Bah Pyniaid Sing Syiem Secretary jong ka UDA, u la iathuh ba ha ka sngi nyngkong kata 9/12/2019 kin leit ban ai jingthoh sha u Lat jong ka jylla ban pyni ia ka jingdon ki MDC 15 ngut ha ka iing dorbar kaba 29 ngut. La iathuh ba dang don shuh sa ar ngut ki MDC kiba na ka UDF kiba kwah ban wan sha ka UDA.
Haba kylli hato kin dawa na em ia ka dorbar ba kyrpang na ka liang jong u bah Pyniaid u la ong ba ia mynta kim pat don ka jingpyrkhat ia katta, kane ka jingleit ia kynduh ia u Lat ka jylla ka long tang ban pyntip ba kila don 15 ngut ki MDC ha ka liang jong ki.
La ong ban ioh ia ka EC kaba pura nalor jong u CEM don kam la kumno kumno sa ar ngut ki EM, ia kaba u bah Latiplang Kharkongor ym pat don haduh mynta bad ka sorkar haduh mynta kam pat pynmih ia ka jingpynbna sorkar ia u kum u CEM jong ka KHADC.
