Ngin nym kyran na ka jingiakhih shah thngan ba khlem buh por ban dawa ia ka hok: Birbol

Shillong Lber 05: Ka sorkar haduh mynta ka sngi kan pat phah ktien ei ei ha kaba ia dei bad ka jingiakhih shah thgnan ki nonghikai kontrak jong ki Goverment  LP skul ha ka jylla Meghalaya kiba la shah weng na ka kam hikai kontrak kaba la iaid mynta ha Madan Malki.

Haba kren ha ki lat pathai khubor u bah Birbol Riangtem  nongialam ki nonghikai kontrak la ong ba haduh mynta ka sngi ka jingshah thngan ka jong ki kala kot sha ka san sngi hynrei ka sorkar kam pat kren ei ei halor jong ki, na ka liang jong ki nonghikai kila rai ban bteng ia kane ka jingiakhih shah thngan.

U bah Riangtem u la ong ba kum ki nonghikai kila shim ia ka rai ba kin dang iai beteng ia kane ka jingiakhih haduh ba kin da ioh ia ka hok ka jong ki, lada kim long kiba bit ban hikai balei ka sorkar kam weng noh ai kiha dien ka 59 ngut ba ki thung ia ki bad balei ka phah bteng ia ki haduh 10 snem tam ne duna.

Kane ka jingle bein jong ka sorkar ia ki nonghikai ka long kaba la palat khlem da pyrkhat shuh ia ki bad kum ki nonghikai kila rai skhem ba kin bteng ia kane ka jingiakhih jong ki bad kan kham suk ban iap ha kane ka madan Malki ban iohi ba ki khun ki shah thgnan la ong u bah Riangtem.

Mynta ka sngi ki MLA ka liang pyrshah kila leit ban jngoh ia kine ki nonghikai kiba shah thngan ha katei ka jaka ha Madan malki, ki MLA kiba la leit ki long u bah HM Shangpliang, bah George B Lyngdoh, bah Kimfa S Marbaniang, bah PT Sawkmie, bah Mohendro Rapsang, na ka liang ki seng bhalang ruh ki bun ki la leit ban ai mynsiem ia ki.

 

What Next?

Recent Articles

Leave a Reply

Submit Comment

*