Shillong, Lber 14: U Bah Pynshangian N Syiem MDC jong ka Mawkhar Pynthorumkhrah mynta ka sngi u la ong ba kin ujor sha iing bishar ia ka jingpynlong ia ka ilekshon Chairman bad Chief Executive Member hapoh jong ka KHADC kaba la buh ban long ha ka 17 bad 18 mynta u bnai.
Haba kren ha ki lat pathai khubor mynta ka sngi u Bah Pynshngian u la ong ba lada u Lat jong ka jylla bad ka sorkar ki iaid lait ki rule ki ain, kim don lynti da kumwei pat ka long ba ki hap ban leit sha iing bishar ban ioh ia ka hok. La ong ba mynta kin leit ban ujor sha iing bishar ban pan ba dei ban pynsangeh shuwa ia kane ka jingpynlong ilekshon Chairman bad CEM ha KHADC.
U bah Pynshangian u la ong ba katkum ka paragraph 16 sub paragraph (a) jong Sixh Schedule kala kren shai ba lada ka don ka jingbym lah ban pyniaid ia ka Council ka long ba u Lat u shim sha lade ia ka bor ym ia ka kyrdan.
U bah Pynshngian u la ong hato u Lat jong ka jylla bad ka sorkar kan nym lah ban wengnoh ia ki briew kiba la da jied da ka iing dorbar namar kam dei kaba shuthung ne shujied, u la ong ba ia u myntri rangbah jylla la shu jied bad u hap ban ia tynjuh bor hapoh ka iing dorbar ban pynshisha ia ka jingbun paid.
Kane ka jingleh jong u Lat ka jylla ka long pyrshah ia ki rule, ha ka jingshisha kila dei ban weng shiwa ia ka Administrator Rule, weng ia u CEM bad sa pynlong ia ka ilekshon hynrei kaei kaba jia ka long ba la shu kynthnieh, ia mynta yn nym ia kren ia ka jingdon ki dkhot hynrei ia kren ia ka ki kyndon ka ain. Ia u CEM, Chairmam bad Deputy Chairman hap ban weng hapoh ka iing dorbar ia kata te kin pdiang.
U bah Pynshngian u la ong ba ka jingweng noh ia ka Administrator Rule ka kdew shai ba kam don ka nongrim kaba biang ban pynjari ia ka AR ha KHADC, haba ka sorkar kala weng mynta kaba mut ka sorkar kala weng na ka jingiakhun ia ka mutoduma bad u nongujor kata u Bah Latiplang u la jop ia ka mukotduma.
La ong ban weng ia ka kam CEM ka long ha ki lai bynta, lada ka kutnoh ka jinglong, MDC, u resign bad lai, lada shah weng ha ka motion bym don jingshaniah shuh hapoh ka iing dorbar, ia ka kam Chairman ruh ka long, lada resign, sha weng noh da ka rai katkum ka rule jong ka AD Rule 107 jong ka iing dorbar bad kaba lai lada kut noh ka jinglong MDC.
La ong ba haduh mynta ym pat resign, ym pat shaweng da ka rai jong ka iing dorbar katkum ka Rule 107 jong ka AD Rule bad u dang dei u MDC jong ka Mawkhar Pynthorumkhrah kaba mut ba u dang dei u Chairman.
La paw shai ba u Lat jong ka jylla ha kaba nyngkong u khlem sngap ia ka rai jong ka sorkar bad kita kila paw shai, la pynlong ban jied ia u CEM jong ka KHADC bad u Lat jong ka jylla u la ai ia ka jingmynjur, kum juh ha kaba ia dei bad ka jingthung ia ki EM, kane ka long ba u Lat ka jylla ne ka sorkar kan lah ban leh ei ei hynrei hap ban but katkum ki rule.
Haba la pynjari ia ka AR na ka liang jong u CEM, u Bah Latiplang u la leit sha iing bishar ban pan ia ka hok ba kumno la weng khlem da lah ban pynshai bha, la ban biang ia ka paragraph 16 bad ka sub paragraph (a) hynrei ka EC tang shimti pat shimti la ai AR. Kumno kin tip ba ka EC kam lah ban trei kam katkum ka Sixth Schedule.
Haba leit ban mudui sha iing bishar ka long namar ba u Lat jong ka jylla u ai AR khlem ka nongrim kaba shai, hynrei haba dang don ka mukotduma hapoh High Court namar ba kim don ia ka nongrim kaba biang ki weng noh ia ka AR, ka mut ba kila pyndem, ka mut ka nongrim jong u Bah Latiplang kala khlain ka mut u Latiplang u dei ban long u CEM jong ka KHADC.
Hynrei mynta weng ia ka AR pynlong ia ka ilekshon, kane kam dei kum hapoh jong ka jylla ba ia u Myntri Rangbah la shu jied da u Lat ka jylla, ia u CEM, Chairman, Deputy Chairman la jied da ka ilekshon hapoh ka iing dorbar, u Lat jong ka jylla ym don bor ban leh pyrshah ia kiba la jied da ka iing dorbar.
U Bah Pynshgnain u la ong lada don President rule ka long tang ia ka sorkar ym ia ka ophis jong u Speaker, kane ruh ka long kum juh ha ki District Council, tang ba ki don ha ka sorkar kin leh da ka bor, em kin nym lah baroh hap ban bud ia ka Riti synshar jong ka Ri India yn don mano mano ba long halor ka jong ka ain, ym don mano mano ba long halor jong ki rule.
Lada ka long kumne ka long ba la weng ia ka bor laitluid jong ki District Council, kaba don iala ki jong ki rule ban pass ia ki bill, u bah Pynsngiang u la ong ba u shepting bha lada ha khmat ha khmat ki minister ban thaw EC, hangno ka jinglaitluid jong ki District Council, ha kane ka por jong u un nym ailad la dei ban mih sha madan kin mih ban iada ia ki rangbah shnong.
Kan jia aiu ia ki District Council lada ha khmat hakhmat u Speaker, ki Minister, ha khmat ha khmat u Myntri rangbah ka jylla, kaei ka jingmut, ka jingmut jong ki ka long ban pynshisha ba ki District Council ki dei ki jaka ba lailuid. Hato ki nud ne em ban mih sha khmat kaba ktah ia ka jaidbynriew, la ong ha ka por jong u ka long shai bha.
U Bah Pynshngain u la ong ba ka sorkar MUA-II ki burom ia ki District, lada ka long kumne lah ban thaw EC hangno hangno ruh, lah ban thaw EC wat haiew ruh, kane ka jingleh ka long kaba bakla haba ha khmat ha khmat ia thaw EC da ka cabinet, kane ka bun ia ki District Council ha ka jingeh.
La ong ba lada ka KHADC ym long ban thaw EC, ha GHADC pat ka long, kane ka jingleh ka kren shai ka jingbym lah trei kam, u la ong ba kam dei ba ki kwah bor hynrei ka long ban iada ia ka District Council,u la ong ba ia kaei kaba la pynmih hukum ha ka 17 bad 18 kin sa ia peit.
