Ngin wan ban ia kynduh ia u Myntri kampoh iing ba shah byrngem ki briew jong ngi:Baghwant

Shillong, Jylliew 13: Mynta ka sngi ki nongialam jong ka Shiromani Gurdwara Parbandhak Committee (SGPC) hapoh ka jingialam jong u Bhagwant Singh na Amritsar, jong ka jylla Pynjab, kila ia kynduh ia u  myntri kam poh iing ka jylla u James K Sangma ban ia kren halor ka jingshah byrngem ki jaid briew jong ki ba shong ba sah ha Harijan Colony ha Them Iew mawlong.

Haba kren ha ki ladpathai khubor ha dien ka jingiakynduh ia u myntri kam poh iing u Bhagwant Singh, u la ong ba ka jingwan jong ki sha Meghalaya ka long ha dien ba la ioh jingtip ba ki briew kiba shah ha katei ka jaka kila shah byrgnem ha ki katto kitten ki seng ia kaba u khlem jer kyrteng.

Ka jingiakynduh ka long ban kyntu ia ka sorkar ba kan ai ia ki lad jingiada ia ki briew kiba shah ha kane ka jaka naduh ki snem 1853 bad naduh u snem 1954 kila ioh ia ka hok jong ki ban jied ia ki nongmih khmat sha ka iing dorbar Parliament bad kum juh sha ka iing dorbar ka jylla.

Haba ia dei bad ka jingkwah ban pynkynriah ia ki na katei ka jaka, la ong ba namar ba kila sah slem ha kane ka jaka ka sorkar ka la dei ban shah ia ki ban shna iing ha katei ka jaka namar ki iing kumba ka lon mynta la shuker da ki tin.

Haba ia dei bad ka jingong ba ki don kiba sah beain, na ka liang jong u nongialam ka SGPC, u la ong ba um kwah ban kren ei ei namar kane ka dei ka kam jong ka iing bishar bad na ka liang jong ki kim don jingkit khlieh ia kiba shong beain.Ha kane ka jingiakynduh na ka liang jong u myntri kam poh iing ka jylla u la ong ba ka sorkar kan ai ka jingiada ia baroh ki nongshong shnong jong ka jylla.

 

What Next?

Recent Articles

Leave a Reply

Submit Comment

*