Jowai, Rymphang 11: Khasi Student’s Union(KSU) Jaintia Hill District kynthup ia u Samla Shaniahskem Dkhar bad u samla J Paul Lyngdoh ki lah leit ban nohsynniang ban ai jingiarap ia kawei ka jaka Ri khunswet ha ka shnong Tuber West jaintia Hill District kaba lah ai kyrteng kum ka “7 Thyndai Child care Institute cum Counselling” kaba lah pyniaid bad khmih daka Kong Milis Dkhar kum ka Chair-Person jong ka Seiñ Raij Tuber Women’s Wing haka .
Naka Liang kine ki nongialam ki lah ai sngewbha da ki Cement kumba 20 byrni namar ba kane ka jaka Ri khunswet ka donkam ban shna ka ing shetja ba ka pisa khyndiat khynsoit. Te naka liang ka kong Milis Dkhar ka pynpaw ka jingsngewnguh ia ka Seng KSU ba ki lah khmih ban wan ai jingiarap kum hakane ka jaka ri khunswet.
Te nakaliang jong Samla Shaniahskem Dkhar u lah ai ka jingiaroh ia kane ka Seng khynthei jong ka raij Tuber kaba lah shim ia kane ka jingkitkhlieh ba Ri ban lum ia ki khun ki kti jong ngi ki ba sah khunswet khanng ba kin ym jot ha ka jingim lanot jong ki kiba lah duh iala ki kmie ki kpa lajong. U lah kyrpad ruh ia kiwei ki paralok ban sngewbha ban iawan peit wan khmih ia kine ki khun ha kane ka jaka ban wan ia synniang lem iaki ia kaba ki donkam.
