Shillong, Risaw 26: Ka Tarajur jong ka seng BJP ha kaba ia dei bad ka Sohra Constituency kala noh sha u Dr PW Khongjee MLA barim jong kane ka jaka bad kane ka paw na ka jingialang paidbah kaba la long mynta ka sngi ha Maraikaphon ha Sohra.
Ha kane ka jingialang paidbah kaba la long mynta ka sngi da ki spah ngut ki nongkyrshan jongu Dr Khongjee kila ia poi sha kane ka jingialang ban pynisha ka ki nongialam jong ka party BJP ba ki paidbah ka Sohra Constituency ki kwah ba ka party kan ai ia ka tiket sha u Dr Khongjee ban ia khun ia ka MLA Election 2018. Kumba ka long ka jingiatan tyllai ban ioh ia ka tiket BJP na Sohra Constituency ka long ha pdeng u Dr Khongjee bad u Bah Banteilang Sing Rumnong.
Ha ka jingialang paidbah kaba la long mynta ka sngi, na ka liang jong ki nongialam na ka BJP kiba la don lang ki long u Bah Banshai Khongwir bad na liang jong ki nongialam jong ka seng na Delhi la don lang u Nalin Kholi. Ha kane ka jingialang ki paidbah kila la ia poi kala palat ia ka shihajar ngut.
