Noh syniang ka seng Meghalaya IAS officer Association ar lak sha ka CMRF

Shillong, Nailar 07: Ban ia tynrong lem ia ka jingeh kaba ka jylla kala ia kynduh ha kaba ia dei bad ka jingshah lynshop ka jylla ha ka jingpynjulor ka mariang ha kine ki bnai kiba la dep ka seng Meghalaya IAS Officer Association mynta ka sngi kila noh syniang sha ka Meghalaya Chief Minister Relief Fund (CMRF) ar lak tyngka.

Ia kane ka jingnoh syniang la aiti sha u myntri rangbah ka jylla u Conrad K Sangma mynta ka sngi da ka Additional Chief Secretary jong ka jylla ka kong R V Suchiang ha ka jingiadon lang kiwei ki ophisar  na ka seng.

Lah ban pynkynmaw ha kine ki bnai kiba la dep ka jylla Meghalaya kala shah lynshop ha ka jingshah pynjulor ha ka mariang kum ka jingtwa khyndew na ka jingjur jong u slap, ka jingshlei um ha Ri Lum Garo, ban ia shnoh kti lang bad ka sorkar ban iarap ia ki paidbah ka jylla ka seng kala noh syniang ar lak tyngka.

Na ka liang jong u myntri rangbah ka jylla u Conrad k Sangma u la pdiang sngewbha ia kane ka jingnoh syniang jong ka seng Meghalaya IAS Officer Association.

What Next?

Recent Articles

Leave a Reply

Submit Comment

*