Shillong, Naiwieng 13: Ka Synjuk Nong Synshar Shnong Bri Hynniewtrep (SNSBH) mynta ka sngi hapoh ka jingialam jong u bah R Blah mynta ka sngi kila leit ban noh syniang ban iarap ia kane ka jaka rih khun swet da ki blanket bad ki marbam.
Ha kane ka jaka ri khun swet ia kaba la tip kum ka “A W Thomas Orphanage” kaba don ha Jaiaw Lymsyntiew ki don palat ia ka 40 ngut ki khynnah ia kaba la ri bad sumar ban peit ia ki da ka jingkyrshan jong ka balang Presbyterian.
Ia ka jingai sngewbha jong ka synjuk la pdiang sngewbha da ka Ibla Rani kaba peit bad sumar ia kine ki khynnah. Kine ki jingai sngewbha kaba la ai sha kane ka jaka ri khun swet ka dei kaba la ia noh syniang lang da ki briew kiba don ia ka mynsiem ban iarap lem.
Ha kane ka sngi u myntri ka tnad ka koit ka khiah u bah AL Hek ruh u la ia don lang ha kaba u noh syniang da ki blanket, ha kane ka sngi la don lang ruh kiwei kiwei ki rangbah shnong na kane ka nongbah Shillong.
